ന്യൂഡല്‍ഹി|
Last Modified ശനി, 29 നവം‌ബര്‍ 2014 (15:06 IST)
കോണ്‍ഗ്രസ്, ബിജെപി അടക്കും 20 രാഷ്ട്ട്രീയപാര്‍ട്ടികള്‍ക്ക് തെരഞ്ഞെടുപ്പ് കമ്മിഷന്റെ നോട്ടീസ്. ലോക്‌സഭാ തെരഞ്ഞെടുപ്പിന്റെയും നിയമസഭാ തെരഞ്ഞെടുപ്പുകളുടെയും ചെലവു വിവരങ്ങള്‍ സമര്‍പ്പിക്കാത്തതിനാലാണ്
തിരഞ്ഞെടുപ്പ് കമ്മീഷന്‍ നോട്ടീസയച്ചിരിക്കുന്നത്.
15 ദിവസത്തിനുള്ളില്‍ മറുപടി നല്‍കണമെന്നും ഇതിന് വീഴ്ച സംഭവിച്ചാല്‍ കര്‍ശന നടപടികളെടുക്കുമെന്നും കമ്മീഷന്‍ അറിയിച്ചിട്ടുണ്ട്
. കോണ്‍ഗ്രസ്സ് , ബിജെപി, സമാജ്‌വാദി പാര്‍ട്ടി, എഎപി, ടി.ആര്‍ എസ്, ജെഎംഎം എന്നിവരാണ് കമ്മീഷന്‍ നോട്ടീസയച്ച പ്രമുഖ പാര്‍ട്ടികള്‍. കേരള കോണ്‍ഗ്രസ് എമ്മിനും നോട്ടീസയച്ചിട്ടുണ്ട്.
ലോക്‌സഭാ തെരഞ്ഞെടുപ്പ് കണക്കുകള്‍ 90 ദിവസത്തിനകവും നിയമസഭാ തെരഞ്ഞെടുപ്പ് കണക്കുകള്‍ 75 ദിവസത്തിനകവും സമര്‍പ്പിക്കണമെന്ന് സുപ്രീം കോടതി ഉത്തരവ് നിലവിലുണ്ട്.
മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ
ക്ലിക്ക്
ചെയ്യുക.
ഫേസ്ബുക്കിലും
ട്വിറ്ററിലും
പിന്തുടരുക.
