ഒരു ദിവസം രണ്ട് സന്തോഷങ്ങളാണ് ആസിഫ് അലിക്ക്. ഹണി ബീ റിലീസ് ചെയ്ത് എട്ടു വര്‍ഷങ്ങള്‍ പിന്നിടുന്നതും, വൈറസ് എന്ന സിനിമയും രണ്ട് വര്‍ഷങ്ങള്‍ക്ക് മുന്‍പ് ഇതേ ദിവസമാണ് പ്രേക്ഷകരിലേക്ക് എത്തിയത്.ചെറിയ വേഷത്തിലായിരുന്നു നടന്‍ വൈറസില്‍ അഭിനയിച്ചത്.

ആസിഫ് അലിയുടെ വാക്കുകളിലേക്ക്

'സെബാന്റെയും ടീം ഹണി ബീയുടെയും 8 വര്‍ഷങ്ങള്‍. സിനിമ റിലീസായി എട്ടു വര്‍ഷങ്ങളായി പിന്നിട്ടെന്ന് വിശ്വസിക്കാനാവുന്നില്ല.എന്റെ സുഹൃത്തുക്കളുമായി എങ്ങനെ സമയം ചെലവഴിക്കുന്നു അതുപോലെ ആയിരുന്നു മുഴുവന്‍ ഷൂട്ടിംഗും.ശരിക്കും ഒരു രസകരമായ നിറഞ്ഞ സമയമായിരുന്നു.സിനിമ അതിന്റെ 8 വര്‍ഷം പൂര്‍ത്തിയാക്കിയിട്ടും ആളുകള്‍ ഇപ്പോഴും സെബാനെയും സുഹൃത്തുക്കളെയും ഓര്‍മ്മിക്കുകയും പോസ്റ്ററുകള്‍ ഉണ്ടാക്കി സ്റ്റാറ്റസുകള്‍ ആക്കുകയും ചെയ്യുന്നു.എല്ലാവര്‍ക്കും നന്ദി വളരെ നന്ദി. വൈറസില്‍ ഒരു ചെറിയ കഥാപാത്രമാണെങ്കിലും അതിന്റെ ഭാഗമാകുക എന്നത് എന്റെ ഭാഗ്യമാണ് വിഷ്ണു ഇപ്പോഴും നിങ്ങളുടെ ഹൃദയത്തില്‍ ഉണ്ടെന്ന് കേള്‍ക്കുമ്പോള്‍ സന്തോഷമുണ്ട്.വൈറസ് മൂവിയുടെ 2 വര്‍ഷം'-ആസിഫ് അലി കുറിച്ചു.

ആഷിഖ് അബു സംവിധാനം ചെയ്ത് 2019-ല്‍ പുറത്തിറങ്ങിയ ചിത്രമാണ് വൈറസ്.2013 ജൂണ്‍ 7 നാണ് ഹണി ബീ റിലീസ് ആയത്.ജീന്‍ പോള്‍ ലാലാണ് രചനയും സംവിധാനവും നിര്‍വ്വഹിച്ചത്.