വനിതാ അവാർഡിൽ പങ്കെടുക്കാനെത്തിയ ബോളിവുഡ് തരംഗം സണ്ണി ലിയോണെ പ്രശംസിച്ച് നടൻ ജയസൂര്യ ഫേസ്‌ബുക്കില്‍ എഴുതിയ കുറിപ്പിന് ദേശിയതലത്തില്‍ ശ്രദ്ധ ലഭിച്ചതോടെ മറുപടിയുമായി സണ്ണി തന്നെ രംഗത്ത്. തന്റെ ഔദ്യോഗിക ഫേസ്‌ബുക്ക് പേജിലൂടെയാണ് ജയസൂര്യയ്‌ക്ക് മറുപടി നല്‍കിയത്. ‘Thank you Jayasurya for such kind words!! എന്നായിരുന്നു സണ്ണിയുടെ മറുപടി.

ജയസൂര്യയ്‌ക്ക് സണ്ണി ലിയോണിന്റെ മറുപടി ലഭിച്ചതോടെ ബോളിവുഡ് സുന്ദരിയുടെ ആരാധകര്‍ സോഷ്യല്‍ മീഡിയയില്‍ തകര്‍ക്കുകയാണ്. സണ്ണിയെ അനുകൂലിച്ചും ജയസൂര്യയ്‌ക്ക് നല്‍കിയ മറുപടിയിലും ഇരുവരുടെയും ആരാധകര്‍ സന്തോഷം പ്രകടിപ്പിച്ചു.

സെല്‍‌ഫിയെടുത്തതിനെക്കുറിച്ചും സംസാരിച്ചതിനെക്കുറിച്ചുമുള്ള അനുഭവം ജയസൂര്യ തന്റെ ഫേസ്‌ബുക്കില്‍ പങ്കുവെച്ചതോടെ സണ്ണിയെക്കുറിച്ചുള്ള സങ്കല്‍പ്പങ്ങള്‍ മാറിമറിഞ്ഞത്.

സണ്ണി ലിയോണിനെ കണ്ട നടൻ ജയസൂര്യയുടെ രസകരമായ വിവരണം:-

"സണ്ണി ലിയോൺ "... ഇന്നലത്തെ വനിതാ അവാർഡിൽ എനിക്ക് അവാർഡിന്റെ സന്തോഷത്തിന് പുറമേ മറ്റൊരു സന്തോഷം കൂടി ഉണ്ടായിരുന്നു സാക്ഷാൽ സണ്ണി ലിയോൺ ഉണ്ടെന്ന് അറിഞ്ഞപ്പൊ .. ഞങ്ങൾ എല്ലാവരും ഇങ്ങനെ കാത്തിരിയ്കായിരുന്നു ആ വരവിനായി .. അങ്ങനെ കാത്ത് കാത്തിരിക്കുമ്പോൾ അതാ നടന്ന് വരുന്നു ..'സണ്ണി വെയിൻ' ..സർവത്ര മൂഡും പോയി ..വനിത ചതിക്കാണല്ലോ ഭഗവാനേ എന്ന് തോന്നിയ പോയ നിമിഷമായിരുന്നു അത് ..ഞങ്ങളുടെ മുഖത്തെ ആ ആത്മാർത്ഥമായ ദു:ഖം സിനിമ ക്യാമറക്ക് മുന്നിലെങ്ങാനുമായിരുന്നെങ്കിൽ മിനിമം രണ്ട് ഓസ്കാർ എങ്കിലും കിട്ടിയേനേ ..അജു വർഗീസിന്റെയൊക്കെ വീട്ടിൽ ആരോ മരിച്ച പോലെ ആയിരുന്നു അവന്റെ മുഖത്തെ ഭാവം .. which sunny leone supriya ..? അങ്ങനെ ഒരു കുട്ടി ജീവിച്ചിരിപ്പുണ്ടോ ..?? അതായിരുന്നു പ്രിഥ്വിരാജിന്റെ സംശയം ( പാവം സുപ്രിയ ) ..അങ്ങനെ എന്റെ അവാർഡ് കഴിഞ്ഞതും ദാ സണ്ണി ലിയോണിന്റെ ഡാൻസ് ,അത് കഴിഞ്ഞ് വനിതയുടെ ഫോട്ടോ ഷൂട്ടിനായി എന്നെ വിളിച്ചു കൊണ്ട് പോയി ..ചെന്നപ്പൊ വിജയ്‌ ,ഷാനി , ശക്തിശ്രീ അങ്ങനെ എല്ലാരും നിക്കുന്നു അപ്പൊ സണ്ണി ലിയോൺ ആ വഴി പാസ്സ് ചെയിതു ..ഞങ്ങൾ എല്ലാവരും സംസാരിച്ചു , ഒരു ഫോട്ടോയും എടുത്തു ..ഒരു 2 മിനിട്ട് കൊണ്ട് ഞങ്ങൾക്ക് അവരെക്കുറിച്ച് ഉണ്ടായിരുന്ന concept ഒക്കെ മാറിപോയി ..അത്ര പ്ലീസിംഗും റെസ്പക്റ്റോടും കൂടിയാണ് അവര് ഞങ്ങളോട് സംസാരിച്ചത് ..ഒരു നല്ല വ്യക്തിത്വം . ഒരു നിമിഷം കൊണ്ട് ഞങ്ങളുടെ മനസിലെ കളങ്കം മായ്ക്കാൻ അവർക്ക് സാധിച്ചെങ്കിൽ ഞാൻ പറയും ഏറ്റവും quality ഉള്ള സ്ത്രീ അവരാണ് .. '' മറ്റുള്ളവരോടുള്ള respect തന്നെയാണ് ഏറ്റവും വലിയ വിദ്യാഭ്യാസം ' ...