അതിശക്തമായ കാറ്റിനും ഉയര്ന്ന തിരമാലയ്ക്കും സാധ്യത; മത്സ്യതൊഴിലാളികള്ക്കും തീരദേശവാസികള്ക്കും ജാഗ്രതാ നിര്ദേശം
തെക്കന് തമിഴ്നാട്(കൊളച്ചല് മുതല് ധനുഷ്കോടി വരെ) ജൂണ് 11 രാത്രി 11.30 വരെ 2.5 മുതല് 3.2 മീറ്റര് വരെ ഉയരത്തില് തിരമാലക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം (INCOIS) അറിയിച്ചു. മല്സ്യത്തൊഴിലാളികളും തീരദേശവാസികളും ജാഗ്രത തുടരുക.
കേരള തീരത്ത് നിന്ന് 2021 ജൂണ് 11 വരെ മല്സ്യ ബന്ധനത്തിന് പോകാന് പാടുള്ളതല്ല.
കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണം.
മല്സ്യബന്ധന യാനങ്ങള് (ബോട്ട്, വള്ളം. etc.) ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള് തമ്മില് സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മല്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം.
ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണ്ണമായും ഒഴിവാക്കുക.
ജൂണ് 12 മുതല് ജൂണ് 14 വരെ കേരളത്തില് ഒറ്റപ്പെട്ടയിടങ്ങളില് 30-40 കി.മീ വരെ വേഗതയില് വീശിയടിച്ചേക്കാവുന്ന കാറ്റിനും ഇടിമിന്നലോട് കൂടിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. സംസ്ഥാനത്ത് ഇടിമിന്നല് ജാഗ്രതാ നിര്ദേശവും പുറപ്പെടുവിച്ചിട്ടുണ്ട്.
