അനുബന്ധ വാര്ത്തകള്
- തൃശ്ശൂര് ചാലക്കുടിയില് തെരുവുനായ്ക്കളെ ചത്ത നിലയില് കണ്ടെത്തി
- പാലക്കാട് വീടിനുള്ളില് പാചകവാതക സിലിണ്ടര് പൊട്ടിയുണ്ടായ അപകടത്തില് മരണം മൂന്നായി
- ഒന്നിലധികം തവണ ലഹരിമരുന്ന് കേസില്പ്പെട്ടാല് കടുത്ത നടപടി; പുതിയ നിയമം പാസാക്കാന് കേരളം
- ഇന്ന് രാത്രി മുതല് മദ്യവില്പ്പന ശാലകള്ക്ക് അവധി; ഇനി തുറക്കുക ഒക്ടോബര് മൂന്നിന് !
- കോവിഡ് കാലത്തെ അക്രമസ്വഭാവമില്ലാത്ത കേസുകള് പിന്വലിക്കാന് തീരുമാനിച്ചു; രജിസ്റ്റര് ചെയ്തിട്ടുള്ളത് ഒന്നര ലക്ഷത്തോളം കേസുകള്
അരിമ്പൂര് ഗീവര്ഗീസ് സഹദാ തീര്ത്ഥകേന്ദ്രത്തിലെ തിരുന്നാള്; പ്രസിദ്ധമായ അങ്ങാടി വളയെഴുന്നള്ളിപ്പ് ഒക്ടോബര് 16 ന്
ഒക്ടോബര് 15 ശനിയാഴ്ച വൈകിട്ട് 5.30 ന് നടക്കുന്ന കുര്ബ്ബാന, ആഘോഷമായ കൂടുതുറക്കല് ശുശ്രൂഷ എന്നിവയ്ക്ക് തൃശൂര് അതിരൂപത സഹായ മെത്രാന് മാര് ടോണി നീലങ്കാവില് മുഖ്യകാര്മികത്വം വഹിക്കും
തൃശൂര്: അരിമ്പൂര് പള്ളിയിലെ വിശുദ്ധ ഗീവര്ഗീസ് സഹാദയുടെ തീര്ത്ഥകേന്ദ്രത്തിലെ പ്രസിദ്ധമായ തിരുന്നാള് ഒക്ടോബര് 15, 16 (ശനി,ഞായര്) തിയതികളില്. ഒക്ടോബര് ഏഴ് വെള്ളിയാഴ്ചയാണ് കൊടിയേറ്റം. ഒക്ടോബര് 15 ശനിയാഴ്ച വൈകിട്ട് 5.30 ന് നടക്കുന്ന കുര്ബ്ബാന, ആഘോഷമായ കൂടുതുറക്കല് ശുശ്രൂഷ എന്നിവയ്ക്ക് തൃശൂര് അതിരൂപത സഹായ മെത്രാന് മാര് ടോണി നീലങ്കാവില് മുഖ്യകാര്മികത്വം വഹിക്കും. ചരിത്ര പ്രസിദ്ധമായ ഹാരാര്പ്പണ ചടങ്ങും അന്നേദിവസം നടക്കും.
ഒക്ടോബര് 16 പ്രധാന തിരുന്നാള് ദിനത്തില് രാവിലെ 10.30 നാണ് ആഘോഷമായ തിരുന്നാള് കുര്ബ്ബാന. ഫാ.ഡേവീസ് പുലിക്കോട്ടില് മുഖ്യകാര്മികത്വം വഹിക്കും. ഫാ.റോയ് ജോസഫ് വടക്കന് സന്ദേശം നല്കും. അന്നേ ദിവസം രാത്രി 7 മുതല് അങ്ങാടി വളയെഴുന്നള്ളിപ്പ് നടക്കും. അരനൂറ്റാണ്ടോളമായി കുന്നത്തങ്ങാടിയിലെ വ്യാപാരികളും സൗഹൃദസംഘവും ചേര്ന്ന് നടത്തുന്ന ആഘോഷമായ വളയെഴുന്നള്ളിപ്പില് നൂറുകണക്കിനു ആളുകള് പങ്കെടുക്കും. കോട്ടപ്പടി സുരേന്ദ്രന് നയിക്കുന്ന നാദസ്വരവും എയ്ഞ്ചല് വോയ്സ് മൂവാറ്റുപ്പുഴയുടെ ബാന്റ് വാദ്യവും വളയെഴുന്നള്ളിപ്പിന്റെ പ്രധാന ആകര്ഷണമാണ്.
