ജങ്ക് ഫുഡുകളുടെ അമിതമായ ഉപയോഗവും വ്യായാമം ഇല്ലായ്‌മയുമാണ് പൊണ്ണത്തടിക്കും അമിതഭാരത്തിനു കാരണമാകുന്നത്. പലവിധ രോഗങ്ങള്‍ മൂലം അമിതവണ്ണം ഉണ്ടാകാം എന്നാണ് പഠങ്ങള്‍ പറയുന്നത്.

ലോക ജനസംഖ്യയിൽ 30 ശതമാനവും അമിതഭാരമോ പൊണ്ണത്തടിയോ ഉള്ളവരാണെന്നാണ് റിപ്പോര്‍ട്ട്. ഇവരെല്ലാം ഭക്ഷണപ്രിയരല്ല എന്നതാണ് വസ്‌തുത. രോഗങ്ങളാണ് ഇവരില്‍ പലര്‍ക്കും പൊണ്ണത്തടി ഉണ്ടാക്കുന്നത്.

കഴിക്കുന്ന ചില ഭക്ഷണങ്ങളാണ് ശരീരഭാരം കൂടാന്‍ കാരണമാകുന്നത്. പുരുഷന്മാരേക്കാള്‍ സ്‌ത്രീകള്‍ക്ക് ആശങ്കയുള്ള കാര്യമാണ് എന്ത് ഭക്ഷണങ്ങള്‍ കഴിച്ചാലാണ് ശരീരഭാരം കൂടാതിരിക്കുക എന്നത്.

ചില ഭക്ഷ്യവസ്തുക്കൾ ശരീരഭാരം കൂട്ടുമോ എന്ന ഭയമില്ലാതെ എത്രവേണമെങ്കിലും കഴിക്കാമെന്നാണ് ആരോഗ്യ വിദഗ്ദര്‍ പറയുന്നത്. കൊഴുപ്പില്ലാത്ത ഇറച്ചി, മുട്ട, വേവിച്ച ഉരുളക്കിഴങ്ങ്, മത്സ്യം, പാൽക്കട്ടി, സൂപ്പ്, പോപ്‌കോണ്‍ എന്നിവ ധൈര്യമായി കഴിക്കാമെന്നാണ് പഠനങ്ങള്‍ പറയുന്നത്.

ആരോഗ്യകരമായി ജീവിതശൈലി പിന്തുടരുന്നതിലൂടെ അമിതവണ്ണം ചെറുക്കാന്‍ സാധിക്കും. സമീകൃതാഹാരം കഴിക്കുക, വ്യായാമം ചെയ്യുക, ആവശ്യത്തിന് ഉറങ്ങുക, സമ്മർദങ്ങളെ അകറ്റുക, പുകവലി, മദ്യപാനം ഇവ ഉപേക്ഷിക്കുക, കായിക വിനോദങ്ങളില്‍ ഏര്‍പ്പെടുക എന്നിവ ഗുണകരമാണ്.