1. കായികം
  2. മറ്റു കളികള്‍
  3. ഫുട്ബാള്‍
  4. Zidane wants messi to stay in barcelona

മെസ്സി സ്പാനിഷ് ലീഗിൽ തുടരണം: ക്ലബ് വിട്ടുപോകരുതെന്ന് സിദാൻ

സിദാൻ
സൂപ്പർതാരം ലയണൽ മെസ്സി ബാഴ്‌സലോണ വിട്ടുപോകുമെന്ന റിപ്പോർട്ടുകളിൽ പ്രതികരണവുമായി റയൽ മാഡ്രിഡ് പരിശീലകൻ സിനദിൻ സിദാൻ. സ്പെയിൻ വിട്ട് മെസ്സി പോകുകയാണെങ്കിൽ അത് ലാ ലിഗയ്‌ക്ക് വലിയ നഷ്ടമായിരിക്കുമെന്ന് സിദാൻ പറഞ്ഞു.
 
ലോകത്തിലെ ഏറ്റവും മികച്ച താരങ്ങളിൽ ഒരാളാണ് മെസ്സി.. ആ മെസ്സി ഇവിടെ ഉണ്ടാകണം. ഏറ്റവും മികച്ച താരങ്ങൾ എതിരാളികളായി ഉണ്ടായാലേ റയൽ മാഡ്രിഡും മെച്ചപ്പെടുകയുള്ളു. അതേസമയം മെസ്സി ക്ലബ് വിടുന്നതിനെ കുറിച്ചുള്ള വിവരങ്ങൾ തനിക്കറിയില്ലെന്നും സിദാൻ പറഞ്ഞു.
 
ബാഴ്സയുമായുള്ള മെസ്സിയുടെ നിലവിലെ കരാർ 2021-ൽ അവസാനിക്കും. എന്നാൽ ബാഴ്സയിൽ തുടരാൻ മെസ്സിക്ക് താത്‌പര്യമില്ലെന്നും കരാർ പുതുക്കുന്നതിനുള്ള ചർച്ചകൾ മെസ്സി അവസാനിപ്പിച്ചതായും കഴിഞ്ഞ ദിവസമാണ് സ്പാനിഷ് റേഡിയോ സ്റ്റേഷനായ കാഡെന സെർ വെള്ളിയാഴ്ച്ച റിപ്പോർട്ട് ചെയ്‌തത്.ഇതിന് പിന്നാലെയാണ് സിദാന്റെ പ്രതികരണം.
അടുത്ത ലേഖനം
എന്തിന് കോലിയുമായി താരതമ്യം ചെയ്യുന്നു, പാകിസ്താനുമില്ലേ ഇതിഹാസങ്ങൾ? അവരുമായി താരതമ്യം ചെയ്യൂ: ബാബർ അസം