കെ ആര്‍ അനൂപ്|
Last Modified വ്യാഴം, 21 ഒക്‌ടോബര്‍ 2021 (10:02 IST)
തമിഴ് ഹിറ്റ് ചിത്രമായ 'വിക്രം വേദ'യുടെ ഹിന്ദി റീമേക്ക് ആരംഭിച്ചു. ഋത്വിക് റോഷനും സെയ്ഫ് അലി ഖാനും പ്രധാന കഥാപാത്രങ്ങളെ അവതരിപ്പിക്കുന്നു. യഥാര്‍ത്ഥ പതിപ്പ് സംവിധാനം ചെയ്ത പുഷ്‌കര്‍-ഗായത്രി തന്നെയാണ് റീമേക്കും ഒരുക്കുന്നത്.ഋത്വിക് റോഷന്റെ ഭാഗങ്ങളാണ് നിര്‍മ്മാതാക്കള്‍ ആദ്യം ഷൂട്ട് ചെയ്യുന്നത്.
ഹിന്ദി പതിപ്പില്‍ ഋത്വിക് ഗ്യാങ്സ്റ്ററുടെ റോളില്‍ അഭിനയിക്കുന്നു, സെയ്ഫ് പോലീസുകാരനായി വേഷമിടും. തമിഴ് നിന്ന് ചില മാറ്റങ്ങളോടെയാകും സിനിമ ഒരുങ്ങുന്നത്.നീരജ് പാണ്ഡെയുടെ ഫ്രൈഡേ ഫിലിം വര്‍ക്സും റിലയന്‍സ് എന്റര്‍ടൈന്‍മെന്റും വൈ നോട്ട് സ്റ്റുഡിയോസും ചേര്‍ന്നാണ് ചിത്രം നിര്‍മ്മിക്കുന്നത്.
മാധവനും വിജയ് സേതുപതിയും പ്രധാന കഥാപാത്രങ്ങളെ അവതരിപ്പിച്ച ആക്ഷന്‍ ത്രില്ലറാണ് 2017 ല്‍ പുറത്തിറങ്ങിയ വിക്രം വേദ.മാധവന്‍ സത്യസന്ധനായ ഒരു പോലീസ് ഉദ്യോഗസ്ഥന്റെ വേഷത്തില്‍ അഭിനയിച്ചപ്പോള്‍, വിജയ് സേതുപതി നെഗറ്റീവ് കഥാപാത്രത്തെയാണ് അവതരിപ്പിച്ചത്.ബോക്‌സ് ഓഫീസില്‍ വലിയ വിജയമായി മാറിയതിന് പുറമെ, ചിത്രത്തിന് നിരൂപക പ്രശംസയും ലഭിച്ചു.
