മമ്മൂട്ടി മുഖ്യമന്ത്രി കടക്കല്‍ ചന്ദ്രനായി എത്തുന്ന ചിത്രമാണ് 'വണ്‍'. റിലീസിനൊരുങ്ങുന്ന ചിത്രത്തിന്റെ സിദ്ദിഖിന്റെ ക്യാരക്ടര്‍ ലുക്ക് പോസ്റ്ററാണ് ശ്രദ്ധ നേടുന്നത്. കേരളത്തിന്റെ സ്പീക്കര്‍ ആയാണ് നടന്‍ ചിത്രത്തിലെത്തുന്നത്. മാടമ്പള്ളി ജയാനന്ദനെന്ന ശക്തമായ പ്രതിപക്ഷ നേതാവിന്റെ വേഷത്തില്‍ മുരളി ഗോപി എത്തുന്നുണ്ട്. മുഖ്യമന്ത്രിയുടെ ഗണ്‍മാനായി വേഷമിടുന്നത് കുതിരവട്ടം പപ്പുവിന്റെ മകന്‍ ബിനു പപ്പുവാണ്. ചീഫ് സെക്രട്ടറിയായി സംവിധായകനും നടനുമായ ശങ്കര്‍ രാമകൃഷ്ണനും അഭിനയിക്കുന്നു. വണ്ണിലെ ഓരോ കഥാപാത്രങ്ങളുടെയും ക്യാരക്ടര്‍ ലുക്ക് പോസ്റ്റര്‍ ടീം പുറത്തിറക്കിയിരുന്നു.

സന്തോഷ് വിശ്വനാഥാണ് സിനിമ സംവിധാനം ചെയ്യുന്നത്. പൊളിറ്റിക്കല്‍ എന്റര്‍ടെയിനര്‍ സ്വഭാവമുള്ള ചിത്രത്തിന്റെ ട്രെയിലര്‍ അടുത്തിടെ പുറത്തിറങ്ങിയിരുന്നു. പ്രേക്ഷകരുടെ ഭാഗത്തു നിന്ന് ട്രെയിലറിന് നല്ല പ്രതികരണമാണ് ലഭിച്ചത്. 4 ദിവസങ്ങള്‍ കൊണ്ട് 2.4 മില്യണ്‍ കാഴ്ചക്കാര്‍ ട്രെയിലര്‍ കണ്ടു കഴിഞ്ഞു.ബോബി-സഞ്ജയ് ടീമിന്റെതാണ് തിരക്കഥ. നിമിഷ സജയനും ഒരു ശക്തമായ കഥാപാത്രത്തെ അവതരിപ്പിക്കുന്നുണ്ട്.