കെ ആര്‍ അനൂപ്|
Last Modified വ്യാഴം, 4 മാര്‍ച്ച് 2021 (12:49 IST)
ആരാധകര്‍ ഏറെ പ്രതീക്ഷയോടെ കാത്തിരിക്കുകയാണ് 'ദളപതി 65'-നായി. ചിത്രത്തില്‍ അടിപൊളി ആക്ഷന്‍ രംഗങ്ങള്‍ ഉണ്ടാകുമെന്ന് സൂചന നല്‍കിക്കൊണ്ട് ചിത്രത്തിലെ ആക്ഷന്‍ രംഗങ്ങള്‍ കൈകാര്യം ചെയ്യാന്‍ തെന്നിന്ത്യയിലെ പ്രമുഖ സ്റ്റണ്ട് കൊറിയോഗ്രാഫറിനെ തന്നെ ടീമില്‍ എത്തിച്ചിരിക്കുകയാണ് നിര്‍മ്മാതാക്കള്‍. കെജിഎഫ്, കൈതി തുടങ്ങിയ ചിത്രങ്ങളില്‍ പ്രവര്‍ത്തിച്ച അന്‍പരീവ് 'ദളപതി 65'യിലും ഉണ്ടാകും.
സിനിമയുടെ ചിത്രീകരണം ഏപ്രില്‍ ആരംഭിക്കും.നടി പൂജ ഹെഗ്ഡെ വിജയുടെ നായികയായി എത്തുമെന്നാണ് വിവരം. രശ്മിക മന്ദാനയുടെയും പേര് ഉയര്‍ന്നു കേള്‍ക്കുന്നുണ്ട്. വിജയ്‌ക്കൊപ്പമുള്ള സണ്‍ പിക്‌ചേഴ്‌സിന്റെ രണ്ടാമത്തെ ചിത്രം കൂടിയാണിത്.2022 പൊങ്കലിന് റീലീസ് ചെയ്യാനാണ് നിര്‍മാതാക്കള്‍ പദ്ധതിയിടുന്നത്.ഡാര്‍ക്ക് കോമഡ് വിഭാഗത്തില്‍ പെടുന്ന ചിത്രമായിരിക്കുമിത്.അനിരുദ്ധ് രവിചന്ദര്‍ ചിത്രത്തിനായി സംഗീതമൊരുക്കുന്നു.
