മുൻ പ്രധാനമന്ത്രിയായ മൻമോഹൻ സിങിന്റെ ജീവിതത്തെ ആസ്പദമാക്കി ഒരുങ്ങുന്ന ആക്സിഡെന്റൽ പ്രൈം മിനിസ്റ്റർ എന്ന സിനിമയിലെ ചിത്രങ്ങൾ ചർച്ചയാവുകയാണ്. സിനിമയിൽ അനുപം ഖേറാണ് മൻമോഹൻ സിങായി വേഷമിടുന്നത്. താരം കഥാപാത്രമായി നിൽകുന്ന ചിത്രങ്ങൾ സിനിമാലോകത്തെ അമ്പരപ്പിച്ചു കഴിഞ്ഞു. അനുപം ഖേർ തന്നെയാണ് തന്റെ ട്വിറ്ററിലൂടെ ചിത്രങ്ങൾ പുറത്ത് വിട്ടത്.

അനുപം ഖേറാണ് ചിത്രത്തിലുള്ളത് എന്ന് കാഴ്ചയിൽ അല്പം പോലും തോന്നില്ല. രൂപം കൊണ്ടും ഭാവം കൊണ്ടും അത്രകണ്ട് കഥാപാത്രമായി മാറിക്കഴിഞ്ഞിരിക്കുന്നു അനുപം ഖേർ.
ചിത്രം അടിക്കുറിപ്പുകളില്ലാതെ പോസ്റ്റ് ചെയ്താൽ ആളുകൾക്ക് മൻമോഹൻ സിങ്ങിന്റെ രൂപത്തിനുള്ളിലെ അനുപം ഖേറിനെ തിരിച്ചറിയാനാകില്ല എന്നതാണ് വാസ്തവം.

തന്റെ സമകാലികനായ ഒരാളൂടെ ജീവിത വെള്ളിത്തിരയിൽൽ അവതരിപ്പിക്കുക എന്നത് അഭിനയതാവ് എന്ന നിലയിൽ ഏറെ വെല്ലുവിളി ഉയർത്തുന്നതാണെന്നും അഭിനയ ജീവിതത്തിൽ തനിക്കു ലഭിച്ച ഒരു ടാസ്കാണിതെന്നും അനുപം ഖേർ പറയുന്നു

സഞ്ചയ് ഭാരു എന്നയാളുടെ ആക്സിഡന്റൽ പ്രൈമിനിസ്റ്റർ എന്ന പുസ്തകത്തെ ആസ്പദമാക്കി വിജയ് രത്നാകർ ഗട്ടെയാണ് ചിത്രം സംവിധാനം ചെയ്യുന്നത്.