മമ്മൂട്ടിയുടെ വലിയ ഫാനാണ് തനെന്ന് വ്യക്തമാക്കിയിരിക്കുകയാണ് തമിഴ് നടൻ ചിയാൻ വിക്രം. അദ്ദേഹത്തില്‍ തന്നെ ഏറ്റവും ആകര്‍ഷിച്ച ഘടകം വസ്ത്ര ധാരണമാണെന്നും ഒരു അഭിമുഖത്തില്‍ വിക്രം തുറന്നുപറഞ്ഞു.

വിക്രത്തിന്റെ വാക്കുകൾ:

‘ഞാന്‍ മമ്മൂട്ടി ഫാന്‍ ആണ്. പ്രത്യേകിച്ച് മലയാളത്തില്‍ ഞാന്‍ തുടങ്ങിയത് മമ്മൂട്ടി സിനിമകളിലാണ്. മമ്മൂക്കയുടെ മൂന്ന് പടങ്ങള്‍ ചെയ്തിട്ടുണ്ട്. ഞാന്‍ എപ്പോഴും മമ്മൂക്കയെ കുറിച്ച് വളരെ ഫാസിനേറ്റഡ് ആണ്. അദ്ദേഹത്തിന് എത്ര പ്രായം ആണെങ്കിലും എങ്ങനെയാണെങ്കിലും ഏറ്റവും സ്മാര്‍ട്ട് ആയിട്ടുള്ള ഹീറോ ആണ്. ഏറ്റവും മികച്ച വസ്ത്രധാരണമാണ് അദ്ദേഹത്തിന്റെ. ആ ഒരു വല്ലാത്ത ആകര്‍ഷണീയത ഞാന്‍ എല്ലായ്‌പ്പോഴും അത് ഇഷ്ടപ്പെടുന്നു. എന്തൊരു പെര്‍ഫോമര്‍ ആണ് അദ്ദേഹം ‘ : വിക്രം മമ്മൂട്ടിയെ കുറിച്ച് പറഞ്ഞു.