അനുബന്ധ വാര്ത്തകള്
- സംസ്ഥാനത്ത് ഇന്ന് 12,294 പേർക്ക് കൊവിഡ്, 142 മരണം, ടെസ്റ്റ് പോസിറ്റിവിറ്റി നിരക്ക് 14.03
- സംസ്ഥാനത്ത് ഇന്ന് 12,294 പേർക്ക് കൊവിഡ്, 142 മരണം, ടെസ്റ്റ് പോസിറ്റിവിറ്റി നിരക്ക് 14.03
- കോഴിക്കോട് നിന്ന് തട്ടിക്കൊണ്ട് പോകപ്പെട്ട യുവാവ് തിരിച്ചെത്തി
- കോഴിക്കോട്ട് യുവാവിനെ തട്ടിക്കൊണ്ടുപോയി
- കൊവിഡ് വ്യാപനം രൂക്ഷം: കേന്ദ്ര ആരോഗ്യമന്ത്രി ഇന്ന് കേരളത്തിലെത്തും
കേരളത്തിൽ ജനസംഖ്യയിൽ പകുതിയിലധികം പേർക്കും ആദ്യ ഡോസ് വാക്സിൻ നൽകി
സംസ്ഥാനത്ത് ആകെ ജനസംഖ്യയുടെ പകുതിയിലധികം പേർക്ക് ആദ്യ ഡോസ് വാക്സിൻ നൽകിയതായി ആരോഗ്യമന്ത്രി വീണാ ജോർജ്. 2021 ലെ പ്രൊജക്ടറ്റഡ് പോപ്പുലേഷനായ 3.54 കോടി അനുസരിച്ച് 50.25 ശതമാനം പേര്ക്കാണ് (1,77,88,931) ആദ്യ ഡോസ് വാക്സിന് നല്കിയിരിക്കുന്നത്. ജനുവരി 16ന് വാക്സിനേഷൻ ആരംഭിച്ച് 213 ദിവസം കൊണ്ടാണ് ഈ ലക്ഷ്യം കൈവരിക്കാനായത്.
സംസ്ഥാനത്ത് ഇതുവരെ ഒന്നും രണ്ടും ഡോസ് ചേര്ത്ത് ആകെ 2,45,13,225 പേര്ക്കാണ് വാക്സിന് നല്കിയത്. 1,77,88,931 പേര്ക്ക് ഒന്നാം ഡോസ് വാക്സിനും 67,24,294 പേര്ക്ക് രണ്ടാം ഡോസ് വാക്സിനുമാണ് നല്കിയത്. 19 ശതമാനത്തിനാണ് ഇതുവരെ 2 ഡോസ് വാക്സിനും നൽകിയത്.18 വയസിന് മുകളിലുള്ള ജനസംഖ്യയനുസരിച്ച് 61.98 ശതമാനം പേര്ക്ക് ഒന്നാം ഡോസും 23.43 ശതമാനം പേര്ക്ക് രണ്ടാം ഡോസും നല്കിയിട്ടുണ്ട്. ഇത് ദേശീയ ശരാശരിയേക്കാൾ അധികമാണ്
സ്ത്രീകളാണ് വാക്സിന് സ്വീകരിച്ചവരില് മുന്നിലുള്ളത്. ഒന്നും രണ്ടും ഡോസ് ചേര്ത്ത് 1,27,53,073 ഡോസ് സ്ത്രീകള്ക്കും, 1,17,55,197 ഡോസ് പുരുഷന്മാര്ക്കുമാണ് നൽകിയത്.18 വയസിനും 44 വയസിനും ഇടയ്ക്ക് പ്രായമുള്ളവര്ക്ക് 75,27,242 ഡോസും, 45 വയസിനും 60 വയസിനും ഇടയ്ക്ക് പ്രായമുള്ളവര്ക്ക് 83,31,459 ഡോസും, 60 വയസിന് മുകളിലുള്ളവര്ക്ക് 86,54,524 ഡോസുമാണ് നല്കിയിട്ടുള്ളത്.
