അനുബന്ധ വാര്ത്തകള്
- പ്രണയം ഉള്ളില് സൂക്ഷിക്കുന്നവര്ക്കായി,ഭാവനയുടെ 'ന്റിക്കാക്കാക്കൊരു പ്രേമണ്ടാര്ന്ന്' ട്രെയ്ലര്
- അഴുക്ക് പറ്റും, പാന്റ് ചുളിയും എന്നൊന്നും ചിന്തിച്ചില്ല'; ആ വൈറല് ചിത്രത്തിന് പിന്നില്, മമ്മൂട്ടി പറയുന്നു
- Enkilum Chandrike Official Trailer | ചിരിക്കാന് തയ്യാറായിക്കോളൂ, കുടുംബ പ്രേക്ഷകരെ തിയേറ്ററുകളില് എത്തിക്കാന് 'എങ്കിലും ചന്ദ്രികേ ...' ഫെബ്രുവരി 10ന്
- 'ആ നല്ല നാളുകള് സുഖമുള്ള ഓര്മ്മകളായി'; മോഹന് ജോസിന്റെ കുറിപ്പ്
- ഇരട്ട ഗംഭീര സിനിമ,ജോജുവിന്റെ കരിയറിലെ ഇതുവരെ കണ്ടതില് വച്ച് മികച്ച പ്രകടനം:സജിന് ബാബു
ഗായിക വാണി ജയറാം അന്തരിച്ചു
മികച്ച ഗായികയ്ക്കുള്ള ദേശീയ പുരസ്കാരം മൂന്ന് തവണ വാണിയെ തേടിയെത്തി
പ്രശസ്ത പിന്നണി ഗായിക വാണി ജയറാം അന്തരിച്ചു. 77 വയസ്സായിരുന്നു. ചെന്നൈയിലെ വസതിയിലാണ് വാണിയെ മരിച്ച നിലയില് കണ്ടെത്തിയത്. നെറ്റിയില് ഒരു പൊട്ടലുണ്ടായിരുന്നു. തമിഴ്നാട്ടിലെ വെല്ലൂരില് 1945 ലാണ് വാണിയുടെ ജനനം. കലൈവാണി എന്നാണ് യഥാര്ഥ പേര്. മലയാളം, തമിഴ്, കന്നഡ, തെലുങ്ക് എന്നിവയുള്പ്പെടെ 19 ഭാഷകളിലായി അവര് ഗാനങ്ങള് ആലപിച്ചു.
മികച്ച ഗായികയ്ക്കുള്ള ദേശീയ പുരസ്കാരം മൂന്ന് തവണ വാണിയെ തേടിയെത്തി. ഏഴുസ്വരങ്ങള് (1975), ശങ്കരാഭരണം (1980), സ്വാതികിരണം (1991) എന്നിവയായിരുന്നു ദേശീയ അവാര്ഡ് നേടികൊടുത്ത ചിത്രങ്ങള്. കഴിഞ്ഞയാഴ്ചയാണ് വാണി ജയറാമിനെ പത്മഭൂഷണ് നല്കി രാജ്യം ആദരിച്ചത്.
1971 ല് വസന്ത് ദേശായിയുടെ സംഗീതത്തില് 'ഗുഡ്ഡി' എന്ന ചിത്രത്തിലെ 'ബോലേ രേ പപ്പി' എന്ന ഗാനത്തിലൂടെയാണ് വാണി പ്രശ്സതയായത്. സ്വപ്നം എന്ന ചിത്രത്തിലൂടെ സലില് ചൗധരിയാണ് വാണി ജയറാമിനെ മലയാളത്തിലേക്ക് കൊണ്ടുവന്നത്.
