മൂന്നാം വയസിൽ പീഡനത്തിനിരയായിട്ടുണ്ടെന്ന് തുറന്ന് പറഞ്ഞ് ബോളിവുഡ് നടി ഫാത്തിമ സന ഷെയ്‌ഖ്. സമൂഹത്തിൽ നിലനിൽക്കുന്ന ലിംഗവിവേചനത്തിനെതിരെ സംസാരിക്കുന്നതിനിടെയാണ് നടി തനിക്ക് കുട്ടിക്കാലത്തുണ്ടായ മോശം അനുഭവത്തെ പറ്റി വ്യക്തമാക്കിയത്.

സിനിമയിൽ തുടങ്ങിയ കാലത്ത് നേരിട്ട അവഗണനെയെ പറ്റിയും കാസ്റ്റിങ് ക്രൗച്ച് അനുഭവത്തെ പറ്റിയും സന സംസാരിച്ചു.ലൈംഗികതയിലൂടെ മാത്രമേ തനിക്ക് തൊഴില്‍ നേടാന്‍ കഴിയൂ എന്നും പലരും തന്നോട് പറഞ്ഞിട്ടുണ്ടെന്നും ഫാത്തിമ പറയുന്നു.പിങ്ക്‌വില്ലയ്ക്ക് നല്‍കിയ അഭിമുഖത്തിലാണ് താരം ഇക്കാര്യം തുറന്നു പറഞ്ഞിരിക്കുന്നത്.

അഭിനയത്തിന്റെ തുടക്കകാലത്ത് കാണാൻ ദീപികയെ പോലെയോ ഐശ്വര്യ റായിയേ പോലെയോ അല്ലാത്തതിനാൽ വിവേചനം നേരിടേണ്ടിവന്നിട്ടുണ്ട്. ഞാൻ മൂന്ന് വയസിൽ പീഡിപ്പിക്കപ്പെട്ടു. എത്രത്തോളം ആഴത്തിൽ ലിംഗവിവേചനം സമൂഹത്തിലുണ്ടെന്ന് അതിൽ നിന്ന് തന്നെ മനസിലാകും. എന്നാൽ ഭാവി ഇതിൽ നിന്നും വ്യത്യസ്‌തമാകുമെന്ന് പ്രതീക്ഷിക്കുന്നതായും താരം പറഞ്ഞു.