മലയാളികള്‍ ഏറെ പ്രതീക്ഷയോടെ കാത്തിരിക്കുന്ന മമ്മൂട്ടി ചിത്രമാണ് സിബിഐ 5-ദ ബ്രെയ്ന്‍. സേതുരാമയ്യര്‍ സിബിഐ എന്ന ഐക്കോണിക് കഥാപാത്രമായി അഞ്ചാം തവണയും മമ്മൂട്ടിയെത്തുമ്പോള്‍ സംവിധായകന്‍ കെ.മധു പ്രേക്ഷകര്‍ക്കായി കാത്തുവച്ചിരിക്കുന്നത് എന്താണെന്ന് അറിയാന്‍ ഇനി ഏതാനും ദിവസങ്ങള്‍ മാത്രം. മേയ് 1 ഞായറാഴ്ച ചിത്രം തിയറ്ററുകളിലെത്തും.

സിബിഐ 5 ഷൂട്ടിങ് നടക്കുന്ന വേളയില്‍ പ്രശസ്ത സിനിമാ താരം ശോഭന ആ സെറ്റിലേക്ക് എത്തിയത് നേരത്തെ വലിയ വാര്‍ത്തയായിരുന്നു. സിബിഐ 5 ല്‍ അതിഥി വേഷത്തില്‍ ശോഭനയെത്തുന്നുണ്ടെന്ന് ഗോസിപ്പുകള്‍ പ്രചരിച്ചിരുന്നു. അക്കാര്യത്തില്‍ ഇതുവരെ അണിയറ പ്രവര്‍ത്തകര്‍ ഒന്നും വെളിപ്പെടുത്തിയിട്ടില്ല. സിബിഐ 5 ന്റെ സെറ്റില്‍ ശോഭന അതിഥിയായി എത്തിയതിന്റെ വീഡിയോ പങ്കുവെച്ചിരിക്കുകയാണ് ഇപ്പോള്‍ മമ്മൂട്ടി. ഇരുവരും ഒന്നിച്ചുള്ള ചിത്രങ്ങള്‍ നേരത്തെ പുറത്തുവന്നിരുന്നെങ്കിലും വീഡിയോ പുറത്തുവിടുന്നത് ഇപ്പോഴാണ്.