കമല്‍ഹാസനെ നായകനാക്കി സംവിധായകന്‍ ശങ്കര്‍ ഒരുക്കിയ ഇന്ത്യന്‍ 2 സിനിമയെ പ്രശംസിച്ച് സംവിധായകന്‍ കാര്‍ത്തിക് സുബ്ബരാജ്. സിനിമ താന്‍ ഏറെ ആസ്വദിചെന്നും സംവിധായകന്‍ ശങ്കര്‍ ഇപ്പോഴും പ്രചോദിപ്പിക്കുന്നതായും സുബ്ബരാജ് പറഞ്ഞു. സമൂഹമാധ്യമമായ എക്‌സില്‍ പങ്കുവെച്ച കുറിപ്പിലാണ് സുബരാജിന്റെ പ്രതികരണം,

ഇന്ത്യന്‍ 2 വിലെ കമല്‍ഹാസന്റെ പ്രകടനം തനിക്ക് നോസ്റ്റാള്‍ജിയ സമ്മാനിച്ചെന്നും മൂന്നാം ഭാഗത്തിനായുള്ള കാത്തിരിപ്പിലാണെന്നും കാര്‍ത്തിക് സുബ്ബരാജ് പറഞ്ഞു. 200 കോടിയോളം മുതല്‍മുടക്കിലെടുത്ത സിനിമയുടെ മൂന്നാം ഭാഗം അടുത്ത വര്‍ഷമാകും റിലീസ് ചെയ്യുക. ലൈക്ക പ്രൊഡക്ഷന്‍സ്,റെഡ് ജയിന്റ് മൂവീസ് എന്നിവര്‍ ചേര്‍ന്നാണ് സിനിമ നിര്‍മിച്ചിരിക്കുന്നത്. കമല്‍ഹാസനെ കൂടാതെ സിദ്ധാര്‍ഥ്,എസ് ജെ സൂര്യ,വിവേക്,ജയപ്രകാശ്,സമുദ്രക്കനി,പ്രിയ ഭവാനി ശങ്കര്‍,രാകുല്‍ പ്രീത് സിംഗ്,ബോബി സിംഹ എന്നിവരാണ് സിനിമയിലെ മറ്റ് പ്രമുഖ താരങ്ങള്‍.