തിങ്കള്‍, 13 മെയ് 2024
  1. മറ്റുള്ളവ
    2. »
  2. പ്രണയം
    3. »
  3. പ്രണയോപദേശം

നിങ്ങള്‍ പ്രണയത്തിലാണോ?

IFMPRO
പ്രണയവും ആകര്‍ഷണവും തമ്മിലെ വ്യത്യാസത്തിന് ഒരു അനുഭവകഥ ഇതാ. ബിരുദാനന്തര പഠനത്തിനു ശേഷം വെറുതെ നില്‍ക്കുമ്പോഴാണ് അയല്‍ക്കാരായ അനിലിനും സരിതയ്‌ക്കും ഇടയില്‍ പ്രണയം തുടങ്ങുന്നത്. അത് ശക്തമാകാന്‍ കാലതാമസം വന്നില്ല. പ്രണയച്ചൂടില്‍ അനിലിനു ജീവന്‍ തന്നെ സരിത നല്‍കും. അനില്‍ തിരിച്ചും. പ്രണയം തുടങ്ങി നാളുകളേ ആയുള്ളൂ അപ്പോഴേയ്‌ക്കും ഇത് സരിതയുടെ അച്ഛന്‍ അറിഞ്ഞു.

പ്രണയത്തില്‍ നിന്നും മോചിപ്പിക്കുന്നതിനായി അവളെ നാട്ടില്‍ നിന്നും മാറ്റിപ്പാര്‍പ്പിക്കാനായിരുന്നു അയാളുടെ തീരുമാനം. എന്നാല്‍ അനിലിനെ വിട്ടു പോകില്ലെന്ന് ശാഠ്യം പിടിച്ചെങ്കിലും ഡ്രൈവറായ അവളുടെ അച്ഛന്‍ അനിലിനെ വധിക്കുമെന്ന് ഭീഷണി മുഴക്കിയതോടെ സരിത അയഞ്ഞു. മറുനാട്ടിലേക്ക് പോയെങ്കിലും സരിത തന്‍റെ പ്രണയത്തെ മുറുക്കിപ്പിടിച്ചിരുന്നു. അനിലുമായി കത്തുകള്‍ മുഖാന്തിരവും ഫോണ്‍ മുഖാന്തിരവും ബന്ധം പുലര്‍ത്താന്‍ വേണ്ടുന്നതെല്ലാം അവള്‍ ചെയ്തു.

കാര്യങ്ങള്‍ ഇങ്ങനെ പോകവേയാണ് അനിലിന്‍റെ ഇളയച്ഛന്‍റെ ഭാര്യയുടെ ആദ്യ ബന്ധത്തിലെ കുട്ടി (ഇളയച്ഛന്‍റെ മകളല്ല) തറവാട്ടിലേക്ക് എത്തുന്നത്. സ്വാഭാവികമായും ചെറുപ്പക്കാരനായ ഇളയച്ഛന്‍റെ ക്രൂരതകളില്‍ നിന്നും പലപ്പോഴായി അനിലിനു ഈ പെണ്‍കുട്ടിയെ രക്ഷിക്കേണ്ടി വന്നു. ചിലപ്പോഴൊക്കെ അമ്മയില്ലാത്ത സമയത്ത് സംരക്ഷകന്‍റെ വേഷം സ്വീകരിച്ച അനിലിന് തോന്നിയ പരിചയവും സഹതാപവുമെല്ലാം പതിയെ പ്രണയമായി മാറി.

സ്വാഭാവികമായും സരിതയോട് തോന്നിയിരുന്ന വികാരത്തിന് അയവും വന്നു. മാസത്തിനകം തന്നെ അവളെ മറക്കാനും പുതിയ ബന്ധം തുടങ്ങാനും അയാള്‍ക്ക് കഴിഞ്ഞു. എന്തായാലും അനിലിന്‍റെ ഏറ്റവും പുതിയ ബന്ധം അവസാനിച്ചത് വിവാഹത്തിലായിരുന്നു. തന്‍റേ ഒരു സുഹൃത്ത് വഴി നാട്ടുകാരും വീട്ടുകാരും അറിയാതെ അനില്‍ പതിയെ നാട് വിട്ടു.

അനിലിന്‍റെ കത്തുകളും ഫോണ്‍ കോളുകളും ഒന്നും ഇല്ലാതെ വന്നപ്പോള്‍ സരിത പറ്റിയ ഒരു സാഹചര്യത്തില്‍ നാട്ടിലേക്ക് തിരിച്ചു. കാര്യങ്ങളെല്ലാം അറിഞ്ഞ അവള്‍ ബഹളമൊന്നും വച്ചില്ല. തന്നെ രണ്ടു മൂന്ന് ദിവസം ചടഞ്ഞിരുന്ന അവള്‍ ആഹാരം കഴിക്കാനോ ആരോടെങ്കിലും സംസാരിക്കാനോ മടിച്ചു. പതിയെ ജീവിതം മരണത്തിനു കൈമാറുകയും ചെയ്തു.

WEBDUNIA|
അനിലിന് സരിതയോട് തോന്നിയിരുന്നത് തികച്ചും ആകര്‍ഷണം മാത്രമായിരുന്നു. സരിതയുടെ സാന്നിദ്ധ്യം നഷ്ടമായതോടെ അയാള്‍ അത് മറക്കുകയും ചെയ്തു. എന്നാല്‍ സരിതയാകട്ടെ പ്രണയം അവസാനം വരെ സൂക്ഷിക്കുക തന്നെ ചെയ്തു. സരിതയുടെയും അനിലിന്‍റെയും അനുഭവങ്ങളില്‍ നിങ്ങള്‍ക്കെന്തു തോന്നുന്നു?

അനുബന്ധ വാര്‍ത്തകള്‍


ഇതിനെക്കുറിച്ച് കൂടുതല്‍ വായിക്കുക :