അയാൾ പ്രിയങ്കയേയും പറ്റിച്ചു! നിയമനടപടിക്കൊരുങ്ങി നടി

അയാളെ വെറുതേ വിടാൻ ഉദ്ദേശമില്ലെന്ന് പ്രിയങ്ക

aparna| Last Modified വെള്ളി, 16 ഫെബ്രുവരി 2018 (08:06 IST)
പഞ്ചാബ് നാഷണല്‍ ബാങ്കില്‍ നിന്ന് കോടികള്‍ തട്ടിച്ച നീരവ് മോദിയ്‌ക്കെതിരെ ചലച്ചിത്രതാരം പ്രിയങ്ക ചോപ്ര. നീരവ് തന്നെയും പറ്റിച്ചുവെന്നാണ് പറയുന്നത്. മോദിയുടെ വജ്രവ്യാപാര കമ്പനിയുടെ ബ്രാന്‍ഡ് അംബാസിഡറായ തനിക്ക് നീരവ് മോദി വന്‍ തുക പ്രതിഫലം നല്‍കാനുണ്ടെന്ന് പ്രിയങ്ക പറയുന്നു.

ഇതു വ്യക്തമാക്കി പ്രിയങ്ക നീരവിനെതിരെ നിയമനടപടിക്ക് ഒരുങ്ങുകയാണ്. കഴിഞ്ഞ വര്‍ഷം ജനുവരിയിലാണ് പ്രിയങ്ക ബ്രാന്‍ഡ് അംബാസിഡറാവാന്‍ നീരവുമായി കരാറിലെത്തിയത്. എന്നാൽ, അയാൾ തന്നെ പിന്നീട് ചതിക്കുകയാണെന്ന് മനസ്സിലായെന്ന് പ്രിയങ്ക പറയുന്നു.

അതേസമയം, പ്രിയങ്കയ്ക്ക് പുറമെ ബോളിവുഡ് താരം സിദ്ധാര്‍ഥ് മല്‍ഹോത്രയും നീരവിനെതിരെ കോടതിയെ സമീപിക്കാന്‍ ഒരുങ്ങുകയാണ്. പ്രിയങ്കയ്‌ക്കൊപ്പം ബ്രാന്‍ഡ് അംബാസിഡറായ വകയില്‍ തനിക്കും വന്‍ തുക പ്രതിഫലം നല്‍കാനുണ്ടെന്ന് കാണിച്ചാണ് സിദ്ധാര്‍ഥ് മല്‍ഹോത്രയും കേസ് നല്‍കാന്‍ ഒരുങ്ങുന്നത്.



ഇതിനെക്കുറിച്ച് കൂടുതല്‍ വായിക്കുക :