അഞ്ച് തവണ ലോക ചാമ്പ്യനായ നോർവെയുടെ മാഗ്നസ് കാൾസനെ വീണ്ടും പരാജയപ്പെടുത്തി ഇന്ത്യയുടെ ചെസ് സെൻസേഷനായ ഗ്രാൻഡ് മാസ്റ്റർ പ്രഗ്നാനന്ദ. എടിഎക്സ് ക്രിപ്റ്റോ കപ്പിലാണ് താരം ഇത്തവണ കാൾസനെ അടിയറവ് പറയിപ്പിച്ചത്.

കരിയറിൽ ഇത് മൂന്നാം തവണയാണ് താരം കാൾസനെ പരാജയപ്പെടുത്തുന്നത്. പ്രഗ്നാനന്ദയോട് പരാജയപ്പെട്ടെങ്കിലും കാൾസൻ ടൂർണമെൻ്റിൽ വിജയിച്ചു. ടൂർണമെൻ്റിൽ രണ്ടാം സ്ഥാനം പ്രഗ്നാനന്ദ സ്വന്തമാക്കി.പ്രഗ്നാനന്ദയ്ക്കെതിരെ വിജയത്തിൻ്റെ വക്കിൽ നിന്ന് സ്വയം വരുത്തിയ അബദ്ധമാണ് കാൾസനെ തോൽപ്പിച്ചത്. അവസരം മുതലെടുത്ത് താരം വിജയിക്കുകയായിരുന്നു.