ജർമ്മൻ ഓപ്പൺ ബാഡ്‌മിന്റണിൽ ഞെട്ടിക്കുന്ന വിജയവുമായി ലക്ഷ്യ സെൻ ഫൈനലിൽ. സെമി ഫൈനലിൽ ലോക ഒന്നാം നമ്പർ താരമായ വിക്ടർ അക്‌സെൽസനെ അട്ടിമറിച്ചാണ് ലസ്ഖ്യ ഫൈനലിലെത്തിയത്.മൂന്ന് ഗെയിം നീണ്ട ആവേശകരമായ പോരാട്ടത്തിനൊടുവിലാണ് ഇന്ത്യന്‍ താരത്തിന്‍റെ ജയം. സ്കോര്‍ 21-13, 14-21, 22-20.

അവസാന ഗെയിമിൽ 8-15, 16-16 എന്നീ സ്കോറില്‍ പിന്നിട്ടുനിന്ന ശേഷമാണ് ലക്ഷ്യയുടെ തിരിച്ചുവരവ്. ഇതാദ്യമായാണ് ലോക ഒന്നാം നമ്പർ താരത്തെ ലക്ഷ്യ തോൽപ്പിക്കുന്നത്.ഇന്ന് നടക്കുന്ന ഫൈനലിൽ തായ് താരം കുന്‍ലാവുത് വിതിദ്സരണിനെ ലക്ഷ്യ നേരിടും. BWF വേള്‍ഡ് ടൂര്‍ കരിയറിലെ നാലാം കിരീടമാണ് ലക്ഷ്യയുടെ ലക്ഷ്യം.