ന്യൂഡല്‍ഹി|
സജിത്ത്|
Last Modified വ്യാഴം, 12 മെയ് 2016 (13:27 IST)
യുവതിയുടെ മൃതദേഹവുമായി മണിക്കൂറുകളോളം കാറില്‍ കറങ്ങിനടന്ന യുവാവ് പൊലീസ് പിടിയില്‍. നവീന്‍ എന്ന യുവാവാണ്‌ ഡല്‍ഹി യൂണിവേഴ്‌സിറ്റിക്ക്‌ സമീപം ബൊണ്ഡാ പാര്‍ക്കില്‍ നിന്ന് പിടിയിലായത്‌.
മരിച്ച യുവതിയുടെ പേര്‌ അഞ്‌ജലിയെന്നാണെന്ന്‌ പൊലീസ് അറിയിച്ചു. യുവതിയുടെ ശരീരത്തില്‍ വെടിയേറ്റ പാടുകളുണ്ട്‌. അഞ്‌ജലി ആത്മഹത്യ ചെയ്‌തുവെന്ന് അഞ്‌ജലിയുടെ സഹോദരിയെ നവീന്‍ ഫോണ്‍ ചെയ്ത് അറിയിച്ചിരുന്നതായും പൊലീസ് വ്യക്തമാക്കി.
സഹോദരിയാണ് ഈ വിവരം പോലീസിനെ അറിയിച്ചത്. തുടര്‍ന്നാണ് പൊലീസ് നവീനെ അന്വേഷിച്ച്‌ കണ്ടെത്തി അറസ്റ്റ് ചെയ്തത്. അഞ്‌ജലി സ്വയം വെടിവെച്ചു മരിക്കുകയായിരുന്നുവെന്നാണ്‌ നവീന്‍ പൊലീസിനോട്‌ പറഞ്ഞത്‌. കാറില്‍ നിന്നും റിവോള്‍വറും പൊലീസ് കണ്ടെടുത്തിട്ടുണ്ട്. യുവാവിനെ വിശദമായി ചോദ്യം ചെയ്‌തു വരികയാണെന്ന് പൊലീസ് അറിയിച്ചു.
