രാജ്യത്തിന്റെ വിവിധഭാഗങ്ങളിൽ വൻ സ്ഫോടനത്തിന് പദ്ധതിയിട്ട 6 ഭീകരരെ ഡൽഹി പോലീസിന്റെ സ്പെഷ്യൽ സെൽ പിടികൂടി. ഇവരിൽ നിന്ന് സ്ഫോടകവസ്‌തുക്കളടക്കം ആയുധശേഖരം പിടിച്ചെടുത്തു. ഇവരിൽ രണ്ട് പേർ പാകിസ്ഥാനിൽ പരിശീലനം നേടിയവരാണ്. ഡൽഹിയിലും മുംബൈയിലും ഭീകരാക്രമണം നടത്താൻ ഇവർ പദ്ധതിയിട്ടിരുന്നതായാണ് വിവരം.

നവരാത്രി ആഘോഷങ്ങൾ നടക്കാനിരിക്കെ രാജ്യത്തെ പ്രധാന നഗരങ്ങളിൽ സ്ഫോടനം നടത്താനായിരുന്നു ഇവർ പദ്ധതിയിട്ടിരുന്നതെന്ന് ഡൽഹി പോലീസ് പറഞ്ഞു.രഹസ്വവിവരത്തിന്റെ അടിസ്ഥാനത്തിൽ ഡൽഹി,മഹാരാഷ്ട്ര,ഉത്തർപ്രദേശ് എന്നിവിടങ്ങളിൽ ഡൽഹി സ്പെഷ്യൽ പോലീസ് നടത്തിയ അന്വേഷണത്തിലാണ് സംഘം പിടിയിലായത്.