കരിപ്പൂര്‍ വിമാനാപകടത്തില്‍ പരിക്കേറ്റവര്‍ക്ക് ചികിത്സാ സഹായം ഇനിയും തുടരാനാവില്ലെന്ന് എയര്‍ ഇന്ത്യ. ഇതുസംബന്ധിച്ച കത്ത് പരിക്കേറ്റവര്‍ക്ക് കഴിഞ്ഞ ദിവസം ലഭിച്ചു. ഇത് സ്വാഭാവിക നടപടിയാണെന്ന് എയര്‍ ഇന്ത്യ അറിയിച്ചു. എന്നാല്‍ പരിക്കേറ്റവരില്‍ 84 പേര്‍ക്കും നഷ്ടപരിഹാരം നല്‍കുന്ന കാര്യത്തില്‍ ഇനിയും തീരുമാനമായിട്ടില്ല. ചികിത്സ മുടങ്ങുമെന്ന ആശങ്കയിലാണ് പലരും.

അപകടത്തില്‍ പരിക്കേറ്റവരുടെ ചികിത്സക്കായി ഇതുവരെ 7കോടി രൂപ ചിലവായതായി എയര്‍ ഇന്ത്യ അറിയിച്ചു. ഇത് നഷ്ടപരിഹാരത്തില്‍ കുറയ്ക്കില്ലെന്നും അറിയിച്ചു.