ടൈറ്റാനിയം: അന്വേഷണത്തിന് മൂന്നംഗ സമിതിയെ നിയോഗിച്ചു
തിരുവനന്തപുരം: ട്രാവന്കൂര് ടൈറ്റാനിയം പ്രൊഡക്റ്റ്സ് ലിമിറ്റഡില് നിന്ന് ഫര്ണസ് ഓയില് ഡ്രൈനേജ് വഴി കടലിലേക്ക് ഒഴുകിയ സംഭവത്തില് വിശദമായ അന്വേഷണത്തിന് മൂന്നംഗ സമിതിയെ നിയോഗിച്ചു. ഇത് പാരിസ്ഥിതിക പ്രശ്നം ഉണ്ടാക്കിയതായി ശ്രദ്ധയില്പ്പെട്ടതിനാല് വിശദമായ അന്വേഷണം നടത്തി റിപ്പോര്ട്ട് സമര്പ്പിക്കാനും ഭാവിയില് ഇത്തരം സംഭവങ്ങള് ഒഴിവാക്കുന്നതിന് നിര്ദേശങ്ങള് സമര്പ്പിക്കാനുമായാണ് മൂന്നംഗം സമിതിയെ നിയോഗിച്ചത്.
വ്യവസായ വകുപ്പ് പ്രിന്സിപ്പല് സെക്രട്ടറി എ.പി.എം. മുഹമ്മദ് ഹനീഷ് ഐഎഎസ്, മലബാര് സിമന്റ്സ് എം.ഡി. എം.മുഹമ്മദ് അലി, കെ.എം.എം.എല്. എം.ഡി. എസ്.ചന്ദ്രബോസ് എന്നിവരാണ് അന്വേഷണ സമിതി അംഗങ്ങള്. 10 ദിവസത്തിനകം സമിതി റിപ്പോര്ട്ട് സമര്പ്പിക്കണം.
