സംസ്ഥാനത്ത് ഇന്നും നാളെയും മദ്യശാലകളും ബിവറേജസ് ഔട്ട്‌ലെറ്റുകളും തുറക്കില്ല. നാലാം ഓണ ദിനമായ ചതയം, ശ്രീനാരായണ ഗുരു ജയന്തി എന്നിവയെ തുടര്‍ന്നാണ് സംസ്ഥാനത്ത് ഇന്ന് മദ്യശാലകള്‍ക്ക് അവധി. നാളെ ഒന്നാം തിയതി ആയതിനാല്‍ ഡ്രൈ ഡേ ആണ്. ഈ രണ്ട് ദിവസങ്ങളിലും ബാറുകളും ബെവ്‌കോ ഔട്ട്‌ലെറ്റുകളും തുറന്നുപ്രവര്‍ത്തിക്കില്ല.

അതേസമയം സംസ്ഥാനത്ത് ഓണത്തിനു നടന്ന മദ്യവില്‍പ്പനയെ കുറിച്ചുള്ള കണക്കുകള്‍ പുറത്തുവന്നിട്ടുണ്ട്. ഉത്രാടം വരെയുള്ള എട്ട് ദിവസങ്ങളിലായി 665 കോടി മദ്യവില്‍പ്പനയാണ് സംസ്ഥാനത്ത് നടന്നത്. കഴിഞ്ഞ വര്‍ഷം ഇതേസമയം 624 കോടിയുടെ മദ്യമാണ് വിറ്റുപോയത്.