കണ്ണൂരില്‍ വ്യാപാരിയുടെ വീട്ടില്‍ നിന്ന് കവര്‍ന്നത് 300 പവന്‍ സ്വര്‍ണവും ഒരു കോടി രൂപയും. വളപട്ടണത്തെ വ്യാപാരിയുടെ വീട്ടിലാണ് വന്‍ കവര്‍ച്ച നടന്നത്. വളപട്ടണം സ്വദേശി അഷ്‌റഫിന്റെ വീട്ടിലാണ് മോഷണം നടന്നത്. ഒരു കോടി രൂപയും 300 പവനും ആണ് കവര്‍ന്നത്. അഷറഫും കുടുംബവും മധുരയില്‍ വിവാഹത്തിനായി പോയ സമയത്താണ് മോഷണം നടന്നത്. അരിയുടെ മൊത്ത വ്യാപാരിയാണ് അഷറഫ്. കച്ചവടത്തിന്റെ കളക്ഷന്‍ തുകയാണ് നഷ്ടപ്പെട്ടതെന്ന് വീട്ടുകാര്‍ പറയുന്നു. കഴിഞ്ഞദിവസം രാത്രി വീട്ടുകാര്‍ തിരിച്ചെത്തിയപ്പോഴാണ് മോഷണ വിവരം അറിയുന്നത്.
സംഭവത്തില്‍ കണ്ണൂര്‍ റൂറല്‍ എസ് പി അടക്കം സ്ഥലത്തെത്തി പരിശോധന നടത്തി. വിരലടയാള വിദഗ്ധരും ഡോഗ് സ്‌കോഡും സ്ഥലത്തെത്തിയിട്ടുണ്ട്.

സംഭവത്തില്‍ അന്വേഷണത്തിനായി പ്രത്യേക സംഘത്തെ നിയോഗിച്ചിട്ടുണ്ടെന്ന് എസ്പി പറഞ്ഞു. സ്വര്‍ണ്ണവും പണവും ലോക്കറില്‍ വച്ച ശേഷം അതിന്റെ താക്കോല്‍ വേറൊരു അലമാരയിലാണ് വെച്ചത്. ശേഷം ഇതിന്റെ താക്കോല്‍ മറ്റൊരാലമാരയില്‍ സൂക്ഷിക്കുകയായിരുന്നു. അതേസമയം മോഷണത്തിന്റെ ദൃശ്യങ്ങള്‍ സിസിടിവി ക്യാമറയില്‍ പതിഞ്ഞിട്ടുണ്ട്. മൂന്നുപേരാണ് മോഷണം നടത്തിയതെന്നാണ് ലഭിക്കുന്ന വിവരം.