അടുത്ത കാലങ്ങളില്‍ മലയാള സിനിമയില്‍ നിന്ന് വേര്‍പ്പെട്ടു പോയ ചലച്ചിത്രപ്രവര്‍ത്തകരെ പരിഹസിച്ച് സോഷ്യല്‍മീഡിയയില്‍ പ്രചാരണം നടത്തുന്നവര്‍ക്കെതിരെ നടനും സംവിധായകനുമായ ജോയ് മാത്യു. സ്വര്‍ഗത്തില്‍ സിനിമയെടുക്കുന്നതിനായിട്ടാണ് ഈ രംഗത്തുനിന്നും മരണം കൂടുതലായി ഉണ്ടാകുന്നതെന്നും, നായകനെയും നായികയേയും സംവിധായകരെയും അടക്കമുള്ളവരെ ഇതിനായി മരണത്തിലേക്ക് ആനയിച്ചുവെന്നും ഫേസ്‌ബുക്ക് അടക്കമുള്ള സോഷ്യല്‍ മീഡിയയില്‍ പ്രചാരണം നടന്നിരുന്നു. യുവതാരം ജിഷ്ണുവിന്റെ മരണത്തില്‍ ആദരാഞ്ജലി രേഖപ്പെടുത്തിയ ശേഷമാണ് ജോയ് മാത്യു ഫേസ്‌ബുക്കില്‍ കമന്റിട്ടത്.

ജോയ് മാത്യുവിന്റെ ഫേസ്‌ബുക്ക് പോസ്‌റ്റിന്റെ പൂര്‍ണ്ണരൂപം:-

‘ഔചിത്യബോധമില്ലാത്ത ചില കോമാളികള്‍ ഇനി ഫേസ്ബുക്കില്‍ ചില വളിപ്പുമായി വരും, ഈ വര്‍ഷം മരിച്ചുപോയ സിനിമാക്കാരുടെ ലിസ്റ്റുമായി. സ്വര്‍ഗ്ഗത്തിലോ മറ്റോ നടക്കുന്ന സിനിമാ ചിത്രീകരണത്തിലേക്കു ദൈവം വിളിച്ചതാണ് എന്നൊക്കെ വലിയ കോമഡി പറയുന്നു എന്ന ധാരണയില്‍. അത്തരം കോമാളികള്‍ക്ക് ഇവിടേക്ക് പ്രവേശനമില്ല എന്നറിയിക്കട്ടെ’.