ആലപ്പുഴ|
സജിത്ത്|
Last Updated:
ചൊവ്വ, 23 ഓഗസ്റ്റ് 2016 (13:43 IST)
കോളേജ് അധ്യാപകനെതിരെ വിദ്യാര്‍ത്ഥിനികളുടെ പരാതി. കാലടി സംസ്‌കൃത സര്‍വ്വകലാശാല പ്രദേശിക കേന്ദ്രത്തിലെ മലയാള വിഭാഗം അധ്യാപകനെതിരെയാണ് പരാതിയുമായി പെണ്‍കുട്ടികള്‍
രംഗത്തെത്തിയത്.
അധ്യാപകന്‍ ലൈംഗിക ചുവയോടെയാണ് സംസാരിക്കുന്നതെന്നും വിദ്യാര്‍ത്ഥിനികളുടെ ഫോട്ടോയും മറ്റും മൊബൈലില്‍ പകര്‍ത്തിയെന്നുമാണ് പരാതിയില്‍ പറയുന്നത്. ഇതിനുമുമ്പും ഈ അധ്യാപകനെതിരെ പരാതി നല്‍കിയിരുന്നു. തുടര്‍ന്ന് സര്‍വകലാശാല അദ്ദേഹത്തെ സ്ഥലംമാറ്റുകയും ചെയ്തിരുന്നു.
അതേസമയം അധ്യാപകനെതിരെ പരാതി നല്‍കിയാല്‍ തട്ടിക്കളയുമെന്ന ഭീഷണിയുമായി കഴിഞ്ഞ ദിവസം രണ്ട് അപരിചിതര്‍ വിദ്യാര്‍ത്ഥിനികളെ സമീപിച്ചിരുന്നു. ഇതാണ് സര്‍വ്വകലാശാലയില്‍ നേരിട്ടെത്തി രജിസ്ട്രാര്‍ക്ക് പരാതി നല്‍കാന്‍ വിദ്യാര്‍ഥികളെ പ്രേരിപ്പിച്ചത്.
