നെയ്യാറ്റിന്‍കര|
Last Updated:
ശനി, 17 ഒക്‌ടോബര്‍ 2015 (12:05 IST)
അക്കൌണ്ടിലെ പണം തീര്‍ന്നാലും ആവശ്യപ്പെടുന്തോറും വീണ്ടും വീണ്ടും പണം തരുന്ന എ ടി
എം കണ്ട് അത്ഭുതപ്പെട്ട സര്‍ക്കാര്‍ ഉദ്യോഗസ്ഥന്‍ ഒടുവില്‍ ബാങ്കില്‍ തന്നെ വിവരം പറഞ്ഞു. ഈയൊരു അത്ഭുത എ ടി എം
നെയ്യാറ്റിന്‍കര കൃഷ്ണന്‍ കോവില്‍ ജംഗ്ഷനിലാണുള്ളത്.
മാരായമുട്ടം വടകര ജ്യോതിസില്‍ എസ് ജോണി എന്ന ശാസ്താംകോട്ട സബ്‍രജിസ്ട്രാര്‍ ഓഫീസിലെ ജൂനിയര്‍ സൂപ്രണ്ട്
എസ് ബി ടിയുടെ എ ടി എമ്മില്‍ നിന്ന് തന്‍റെ അക്കൌണ്ടില്‍ ബാക്കിയുണ്ടായിരുന്ന 11,500 രൂപ പിന്‍വലിച്ചു. എന്നാല്‍ ഇതിനു ശേഷവും എ ടി എം സ്ലിപ്പില്‍ 11.400 രൂപ അക്കൌണ്ടില്‍ ഉള്ളതായി കാണിച്ചിരുന്നു.
എന്നാല്‍ സംശയത്തോടെ എ ടി എമ്മിനെ നോക്കിയ ജോണി വിചാരിച്ചു തന്‍റെ ചെന്നൈയിലുള്ള സഹോദരി പണം അയച്ചതാവാം ബാക്കി ഉണ്ടായത് എന്ന്. വീണ്ടും പണം പിന്‍വലിച്ചു. എന്നാല്‍ അക്കൌണ്ട് ബാലന്‍സ് 11.400 രൂപ തന്നെ വീണ്ടും കാണിക്കുന്നു.
ഇതോടെ സംശയം തോന്നിയ ജോണി നെയ്യാറ്റിന്‍കര പൊലീസിലും തുടര്‍ന്ന് എസ് ബി ടി ശാഖാ സുരക്ഷാ ഉദ്യോഗസ്ഥനെയും വിവരം അറിയിച്ചു. എന്നാല്‍ ബാങ്കിലെ ഉന്നത ഉദ്യോഗസ്ഥരെ അറിയിച്ചപ്പോള്‍ ഇത് അസംഭവ്യം എന്നായിരുന്നു പ്രതികരണം. എങ്കിലും കൂടുതല്‍ വിശദീകരിച്ചപ്പോള്‍ ഈ തുക തിരുവനന്തപുരം എസ് ബി ഐ
ആല്‍ത്തറ ശാഖയില്‍ ഏല്‍പ്പിക്കാന്‍ ആവശ്യപ്പെട്ടതനുസരിച്ച് അവിടെ 22,400 രൂപ ഏല്‍പ്പിച്ചു.
എന്നാല്‍ ഇത് എങ്ങനെ സംഭവിച്ചു എന്നാണ് ബാങ്ക് അധികൃതരെയും ജോണിയെയും വലയ്ക്കുന്നത്. ജോണിക്ക് എ ടി എമ്മില്‍ നിന്ന് ഇപ്പോഴും തെറ്റായ പ്രിന്‍റുകളാണു ലഭിക്കുന്നതെന്നാണു റിപ്പോര്‍ട്ട്.
