തന്നെക്കൂടാതെ മറ്റൊരു കാമുകി ഭര്‍ത്താവിനുണ്ടെന്ന് മനസിലാക്കിയ യുവതി ഭര്‍ത്താവിന്റെ ലിംഗം മുറിച്ചു കളഞ്ഞു. ചൈനയിലാണ് സംഭവം. അഞ്ചു കുട്ടികളുടെ പിതാവായ ഫാന്‍ ലുണ്‍ഗ് എന്ന 32 കാരന്റെ ലിംഗമാണ് ഭാര്യ ഫെങ് (30) മുറിച്ചത്. ഭാര്യയുടെ ഫോണില്‍ നിന്ന് ഫാന്‍ ലുണ്‍ഗ് തന്റെ രഹസ്യക്കാരിയായ

21കാരി ഴാങ് ഹുങ്ങിന് അയച്ച ഇ‌- മെയില്‍ സന്ദേശങ്ങള്‍ ഭാര്യ ഫെങ് കണ്ടുപിടിച്ചു. ഇതോടെ രോഷാകുലയായ ഫെങ് ഉറങ്ങിക്കിടക്കുകയായിരുന്ന ഫാന്‍ ലുണ്‍ഗിന്റെ ലിംഗം കത്രിക ഉപയോഗിച്ച് മുറിക്കുകയായിരുന്നു.

ഉടന്‍ തന്നെ ആശുപത്രിയില്‍ എത്തിച്ചതിനാല്‍ ഇയാളുടെ ജീവന്‍ രക്ഷിക്കാനായി. മുറിഞ്ഞ ലിംഗം ആശുപത്രിയില്‍ വെച്ച് തുന്നിയെങ്കിലും ഇയാളെ അഡ്മിറ്റ് ചെയ്തീരിക്കുന്ന മുറിയില്‍ കയറി തുന്നിച്ചേര്‍ത്തിരുന്ന ലിംഗം വീണ്ടും മുറിച്ച് ജനലിലൂടെ വെളിയില്‍ കളയുകയായിരുന്നു. ആശുപത്രിക്കു പുറത്തുവെച്ച് ചോരയില്‍ കുളിച്ച നഗ്നനായ രോഗി ഭാര്യയെ മര്‍ദ്ദിക്കുന്നത് കണ്ടപ്പോഴാണ് ഈ വിവരം അറിഞ്ഞതെന്ന് ആശുപത്രി അധികൃതര്‍ അറിയിച്ചു.

ഭാര്യയുടെ ഫോണില്‍ നിന്ന് ഇയാള്‍ കാമുകിക്ക് അയച്ചത് അശ്ലീല ചുവയുള്ളതായിരുന്നു. എന്നാല്‍ മെയിലയച്ചതിനു ശേഷം സ്വന്തം ഇ-‌മെയില്‍ അക്കൌണ്ട് ക്ലോസ് ചെയ്യാന്‍ മറന്നതാണ് ഇത്രയും വിഷയങ്ങള്‍ക്ക് കാരണമായത്.
സന്ദേശങ്ങള്‍ വായിച്ച യുവതിക്ക് താന്‍ വഞ്ചിക്കപെടുകയായിരുന്നു എന്ന് മനസിലായതൊടെയുണ്ടായ ക്രോധാവേശത്തില്‍ ഭര്‍ത്താവിന്റെ ലിംഗം മുറിക്കാന്‍ തീരുമാനിക്കുകയായിരുന്നു. തക്ക സമയത്ത് ആശുപത്രി അധികൃതര്‍ കണ്ടതുകൊണ്ട് യുവാവ് രക്ഷപ്പെട്ടു.

മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ ക്ലിക്ക്
ചെയ്യുക. ഫേസ്ബുക്കിലും ട്വിറ്ററിലും പിന്തുടരുക.