1. കായികം
  2. മറ്റു കളികള്‍
  3. ഫുട്ബാള്‍
  4. Womens football worldcup starts tomorrow

വനിതാ ഫുട്‌ബോള്‍ ലോകകപ്പിന് നാളെ തുടക്കം, 32 ടീമുകള്‍ പരസ്പരം ഏറ്റുമുട്ടും

womens worldcup
വനിതാ ഫുട്‌ബോള്‍ ലോകകപ്പിന് നാളെ തുടക്കം. ഓസ്‌ട്രേലിയയും ന്യൂസിലന്‍ഡുമാണ് ലോകകപ്പിന് ആതിഥേയത്വം വഹിക്കുന്നത്. ഇതാദ്യമായാണ് ഓസ്‌ട്രേലിയയും ന്യൂസിലന്‍ഡും വനിതാ ലോകകപ്പ് ഫുട്‌ബോളിന് ആതിഥേയത്വം വഹിക്കുന്നത്. ആകെ 10 വേദികളിലായി നടക്കുന്ന മത്സരങ്ങളില്‍ 8 ഗ്രൂപ്പുകളിലായി 32 ടീമുകളാണ് ഏറ്റുമുട്ടുന്നത്.
 
നാളെ ഇന്ത്യന്‍ സമയം ഉച്ചയ്ക്ക് 12:30ന് നടക്കുന്ന മത്സരത്തില്‍ ഗ്രൂപ്പ് എയില്‍ ന്യൂസിലന്‍ഡും നോര്‍വെയും തമ്മിലാണ് ഉദ്ഘാടന മത്സരം. വൈകീട്ട് 3:30ന് നടക്കുന മത്സരത്തില്‍ ഓസ്‌ട്രേലിയ അയര്‍ലന്‍ഡിനെ നേരിടും. ഓഗസ്റ്റ് 20ന് സിഡ്‌നിയിലെ ഒളിമ്പിക് പാര്‍ക്കിലാണ് ഫൈനല്‍ മത്സരം. 4 തവണ കിരീടം നേടിയ അമേരിക്കയാണ് നിലവിലെ ചാമ്പ്യന്മാര്‍. 1991,1999,2015,2019 എന്നീ വര്‍ഷങ്ങളിലാണ് യുഎസ് കിരീടം നേടിയിട്ടുള്ളത്. ജര്‍മനി 2 തവണയും നോര്‍വെയും ജപ്പാനും ഓരോ തവണയും ലോകകപ്പ് നേടിയിട്ടുണ്ട്. അതേസമയം പുരുഷ ഫുട്‌ബോളിലെ പ്രധാന ടീമുകളായ ബ്രസീലിനും അര്‍ജന്റീനയ്ക്കും ഇതുവരെ കിരീടം നേടാന്‍ സാധിച്ചിട്ടില്ല.
 
അടുത്ത ലേഖനം
അമേരിക്കയില്‍ ആഞ്ഞടിച്ച് മെസ്സി തരംഗം, ആദ്യമത്സരത്തിന്റെ ടിക്കറ്റിന് വില ഒരു കോടിയോളം