സീസണിൽ മികച്ച പ്രകടനം നടത്താൻ സാധിക്കാത്തതിന് പിന്നാലെ സൈക്കോളോജിസ്റ്റിൻ്റെ സഹായം തേടി പോർച്ചുഗൽ സൂപ്പർ താരം ക്രിസ്റ്റ്യാനോ റൊണാൾഡൊ. സൈക്കോളജിസ്റ്റായ ജോർദ്ദാൻ പീറ്റേഴ്സനെ തൻ്റെ വസതിയിലേക്ക് വിളിച്ചുവരുത്തിയാണ് ക്രിസ്റ്റ്യാനോ തെറാപ്പിക്ക് വിധേയനായത്.

ക്രിറ്റ്യാനോ തന്നെ വീട്ടിലേക്ക് ക്ഷണിച്ച വിവരം ജോർദ്ദാൻ പീറ്റേഴ്സണും സ്ഥിരീകരിച്ചു. രണ്ട് മണീക്കൂറോളം താരവുമായി സംസാരിച്ചെന്നും നിലവിൽ നേരിടുന്ന പ്രയാസങ്ങളെ പറ്റി സംസാരിച്ചതായും പീറ്റേഴ്സൺ പറഞ്ഞു. കഴിഞ്ഞ ട്രാൻസ്ഫർ വിൻഡോയിൽ ചാമ്പ്യൻസ് ലീഗ് കളിക്കുന്നതിനായി മാഞ്ചസ്റ്റർ യുണൈറ്റഡിൽ നിന്നും മാറാൻ ക്രിസ്റ്റ്യാനോ ശ്രമിച്ചിരുന്നു. ചെൽസി ഉൾപ്പടെയുല ക്ലബുകൾ ട്രാൻസ്ഫറിന് മുന്നോട്ട് വന്നെങ്കിലും ട്രാൻസ്ഫർ സാധ്യമായിരുന്നില്ല.