ശ്രദ്ധേയമായ വേഷത്തില്‍ നിമിഷ സജയന്‍, 'വണ്‍' ക്യാരക്ടര്‍ ലുക്ക് പോസ്റ്റര്‍ പുറത്ത്

കെ ആര്‍ അനൂപ്| Last Modified ചൊവ്വ, 23 മാര്‍ച്ച് 2021 (16:49 IST)

വണ്‍ എന്ന സിനിമയില്‍ ശ്രദ്ധേയമായ ഒരു വേഷത്തില്‍ നിമിഷ സജയന്‍ എത്തുന്നുണ്ട്. ഇപ്പോളിതാ നടിയുടെ കഥാപാത്രത്തെ കുറിച്ചുള്ള വിവരങ്ങള്‍ പുറത്തു വന്നിരിക്കുകയാണ്. ലതിക സതീഷ് എന്ന പെണ്‍കുട്ടിയുടെ വേഷത്തിലാണ് നിമിഷ എത്തുന്നത്. താരത്തിന്റെ ക്യാരക്ടര്‍ ലുക്ക് പോസ്റ്റര്‍ അണിയറപ്രവര്‍ത്തകര്‍ പുറത്തുവിട്ടു.

നേരത്തെ നിമിഷ സജയനെ നെഞ്ചോട് ചേര്‍ത്ത് ആശ്വസിപ്പിക്കുന്ന കടക്കല്‍ ചന്ദ്രന്റെ പോസ്റ്റര്‍ മമ്മൂട്ടി തന്നെ പങ്കുവച്ചിരുന്നു.സിനിമ എങ്ങനെ ഉള്ളതായിരിക്കും എന്ന സൂചന കൂടിയാണ് ഈ പോസ്റ്റര്‍ തന്നു.സ്ത്രീകള്‍ നേരിടുന്ന വിവിധ പ്രശ്‌നങ്ങളെ കുറിച്ചും സിനിമ ചര്‍ച്ച ചെയ്യുന്നുണ്ടെന്നാണ് കരുതുന്നത്.

സന്തോഷ് വിശ്വനാഥ് സംവിധാനം ചെയ്യുന്ന ചിത്രത്തിന് ബോബി-സഞ്ജയ് ടീമാണ് തിരക്കഥയൊരുക്കുന്നത്.
വൈദി സോമസുന്ദരം ഛായാഗ്രഹണം നിര്‍വഹിക്കുന്നു. ഗോപിസുന്ദര്‍ ചിത്രത്തിനായി സംഗീതം ഒരുക്കുന്നു.ഇച്ചായിസ് പ്രൊഡക്ഷന്‍സാണ് സിനിമ നിര്‍മ്മിക്കുന്നത്.



ഇതിനെക്കുറിച്ച് കൂടുതല്‍ വായിക്കുക :