അനുബന്ധ വാര്ത്തകള്
- ജീവിതം ഒരുപാട് പഠിപ്പിച്ചു, ഒരുപാട് മാറി, ഇപ്പോള് ലോകത്തെ കാണുന്നത്പുതിയ മീരയായാണ്, നടി മീര ജാസ്മിന് പറയുന്നു
- 18 വര്ഷങ്ങള്ക്കു ശേഷം നരേനും മീര ജാസ്മിനും,'ക്വീന് എലിസബത്ത്'ലെ ലിറിക്കല് വീഡിയോ
- 'ക്വീന് എലിസബത്ത്' തിയേറ്ററുകളിലേക്ക്, കുടുംബ പ്രേക്ഷകരെ ആകര്ഷിക്കാന് മീരയും നരേനും
- സങ്കല്പിച്ചതിനേക്കാള് ആഴത്തില്,ക്വീന് എലിസബത്ത് 26 ദിവസത്തെ ചിത്രീകരണം പൂര്ത്തിയായി
- മീര ജാസ്മിന്റെ ഫാമിലി ഡ്രാമ,'ക്വീന് എലിസബത്ത്'ചിത്രീകരണം ആരംഭിച്ചു
പ്രണയം മാത്രമല്ല ചിരിക്കാനുമുണ്ട് ഏറെ, മീര ജാസ്മിന്റെ 'ക്വീന് എലിസബത്ത്' ഉടന് തിയറ്ററുകളിലേക്ക്
2022ല് പുറത്തിറങ്ങിയ സത്യന് അന്തിക്കാട് ചിത്രം മകളിലൂടെ മലയാളത്തിലേക്ക് നടി മീര ജാസ്മിന് തിരിച്ചെത്തി. ഇപ്പോഴിതാ റിലീസിന് ഒരുങ്ങുന്ന ക്വീന് എലിസബത്തിലൂടെ ഇനിയൊരു മീര സിനിമാക്കാലം ഉണ്ടാകും എന്ന പ്രതീക്ഷയിലാണ് ആരാധകര്. അതും വര്ഷങ്ങള്ക്കുശേഷം തന്റെ സുഹൃത്തായ നരേന്റെ കൂടെ. വര്ഷങ്ങള്ക്കുശേഷം രണ്ടാളും ക്വീന് എലിസബത്തില് ഒന്നിക്കുന്നത് കാണുവാനായി കാത്തിരിക്കുകയാണ് ആരാധകര്. സിനിമ ഉടന്തന്നെ തിയറ്ററുകളില് എത്തുമെന്ന് സംവിധായകന് എം പത്മകുമാര് അറിയിച്ചു. പ്രണയത്തിനും കോമഡിക്കും പ്രാധാന്യം നല്കി കൊണ്ടാണ് ക്വീന് എലിസബത്ത് ഒരുക്കിയിരിക്കുന്നതെന്നും അദ്ദേഹം പറയുന്നുണ്ട്.
അര്ജുന് ടി. സത്യനാണ് സിനിമയുടെ രചന നിര്വഹിച്ചിരിക്കുന്നത്.ബ്ലൂ മൗണ്ട് പ്രൊഡക്ഷന്സിന്റെ ബാനറില് രഞ്ജിത്ത് മണമ്പ്രക്കാട്ട്, എം. പത്മകുമാര്, ശ്രീറാം മണമ്പ്രക്കാട്ട് എന്നിവരാണ് ചിത്രം നിര്മിക്കുന്നത്.
സംവിധായകന്റെ വ്യത്യസ്തമായ സിനിമയായിരിക്കും ഇത്. സാമൂഹ്യ പ്രാധാന്യമുള്ള വിഷയം അവതരിപ്പിക്കുന്ന ഫാമിലി ഡ്രാമ കൂടിയാണ് ചിത്രം.
നരേന്,ശ്വേതാ മേനോന്, രമേശ് പിഷാരടി, വി.കെ. പ്രകാശ്, ശ്യാമ പ്രസാദ്, ജോണി ആന്റണി, മല്ലിക സുകുമാരന്, ജൂഡ് ആന്റണി ജോസഫ്, ആര്യ, ശ്രുതി രജനികാന്ത്, സാനിയ ബാബു, നീനാ കുറുപ്പ്, മഞ്ജു പത്രോസ്, വിനീത് വിശ്വം, രഞ്ജി കാങ്കോല്, ചിത്രാ നായര് എന്നിവരാണ് പ്രധാന വേഷങ്ങളില് എത്തുന്നത്.
