പത്തൊമ്പതാം നൂറ്റാണ്ട് വിജയകരമായി പ്രദര്‍ശനം തുടരുകയാണ്. 25 കോടി ബജറ്റില്‍ നിര്‍മ്മിച്ച ചിത്രം സെപ്റ്റംബര്‍ എട്ടിന് ഓണം റിലീസായാണ് പ്രദര്‍ശനത്തിന് എത്തിയത്.

1.02 കോടി രൂപയാണ് ആദ്യദിനത്തില്‍ ചിത്രം സ്വന്തമാക്കിയത്. കേരള ബോക്‌സ് ഓഫീസില്‍ നിന്ന് ആദ്യത്തെ 7 ദിവസം കൊണ്ട് 6.77 കോടി രൂപ നേടാന്‍ സിനിമയ്ക്കായി. ലോകമെമ്പാടുമുള്ള തിയേറ്ററുകളില്‍ നിന്നുള്ള ഏഴ് ദിവസത്തെ ആകെ കളക്ഷന്‍ 8.35 കോടിയാണ്.

സിജു വില്‍സിന്റെ കഥാപാത്രത്തെ പോലെ പത്തൊമ്പതാം നൂറ്റാണ്ടിലെ നങ്ങേലിയെ മലയാളി പ്രേക്ഷകര്‍ ഏറ്റെടുത്തുകഴിഞ്ഞു. മാറുമറയ്ക്കല്‍ സമരനായിക നങ്ങേലി എന്ന കഥാപാത്രത്തെ അവതരിപ്പിച്ച് തീയറ്ററുകളില്‍ പ്രേക്ഷകശ്രദ്ധ ആകര്‍ഷിച്ച താരസുന്ദരിയാണ് കയാദു ലോഹര്‍.

മുഗില്‍പെട്ടെ എന്ന കന്നട ചിത്രത്തിലൂടെ അരങ്ങേറ്റം. മലയാള സിനിമയില്‍ ഇതാദ്യം.