അമിതാഭ് ബച്ചനും കുടുംബവും സംഘടിപ്പിച്ച ദീപാവലി ആഘോഷത്തിൽ അതിഥിയായി മലയാളികളുടെ സ്വന്തം ദുൽഖർ സൽമാനും ഭാര്യ അമാൽ സൂഫിയയും. ബോളിവുഡിലെ പ്രമുഖതാരങ്ങളെല്ലാം പങ്കെടുത്ത ചടങ്ങിന്റെ ദൃശ്യങ്ങൾ സോഷ്യൽ മീഡിയകളിൽ വൈറലാണ്. മുംബൈയിലെ ബച്ചന്റെ വസതിയിലാണ് ചടങ്ങ് നടന്നത്.

ചടങ്ങിൽ ഷാരൂഖ് ഖാന്‍, ഹേമമാലിനി, കരണ്‍ ജോഹര്‍, ഷാഹിദ് കപൂര്‍, റാണി മുഖര്‍ജി, ബിപാഷ ബാസു, കരണ്‍ സിംഗ് ഗ്രോവര്‍, കത്രീന കൈഫ്, മുകേഷ് അംബാനി, വിരാട് കോലി, അനുഷ്ക ശർമ തുടങ്ങിയ നിരവധി താരങ്ങൾ പങ്കെടുത്തു.

നീലയും വെള്ളയും നിറമുള്ള ഷര്‍ട്ട് ധരിച്ച് സ്റ്റൈലിഷ് ലുക്കിലാണ് ദുല്‍ഖര്‍ എത്തിയത്. ചുവന്ന നിറമുള്ള ഗൗണാണ് അമാലിന്റെ വേഷം.