കെ ആര്‍ അനൂപ്|
Last Modified വെള്ളി, 5 ഏപ്രില്‍ 2024 (13:12 IST)
ഭീഷ്മപര്‍വത്തിന്റെ തിരക്കഥാകൃത്ത് ദേവദത്ത് ഷാജി വിവാഹിതനായി.ഷൈന രാധാകൃഷ്ണനാണ് വധു.ചിറ്റൂര്‍ സബ് റജിസ്ട്രാര്‍ ഓഫിസില്‍ വെച്ചായിരുന്നു ഇരുവരുടെയും വിവാഹം. അടുത്ത ബന്ധുക്കളും സുഹൃത്തുക്കളും മാത്രമായിരുന്നു വിവാഹ ചടങ്ങുകളില്‍ പങ്കെടുത്തത്. നടി റൈന രാധാകൃഷ്ണന്റെ ഇരട്ട സഹോദരിയാണ് ഷൈന.
കുമ്പളങ്ങി നൈറ്റ്‌സ് എന്ന സിനിമയില്‍ അസിസ്റ്റന്റ് ഡയറക്ടര്‍ ആയാണ് ദേവദത്ത് സിനിമ ജീവിതം ആരംഭിക്കുന്നത്. ഭീഷ്മപര്‍വത്തിന്റെ കഥയും തിരക്കഥയും സംഭാഷണവും ഒരുക്കിയത് ദേവദത്താണ്.
ഇരട്ട സഹോദരിയായ ഷൈനയുടെ വിവാഹത്തില്‍ സാക്ഷിയായി ഒപ്പിടുന്ന റൈനയുടെ ചിത്രങ്ങള്‍ സാമൂഹ്യ മാധ്യമങ്ങളില്‍ റൈന പങ്കുവെച്ചിട്ടുണ്ട്.'ആജീവനാന്ത സാക്ഷി ഞാന്‍ തന്നെ'എന്നാണ് ചിത്രങ്ങള്‍ക്ക് താഴെ റൈന എഴുതിയത്.
