കെ ആര്‍ അനൂപ്|
Last Modified ശനി, 1 ജൂലൈ 2023 (09:20 IST)
75 ദിവസങ്ങളില്‍ കൂടുതല്‍ തിയേറ്ററുകളില്‍ നിറഞ്ഞോടിയ അജഗജാന്തരം 4.7 കോടി ബജറ്റിലാണ് നിര്‍മ്മിച്ചത്. 25 കോടിയില്‍ കൂടുതല്‍ ബോക്‌സ് ഓഫീസ് കളക്ഷന്‍ ചിത്രം നേടി.അര്‍ജുന്‍ അശോകനും ആന്റണി വര്‍ഗീസും ഒന്നിച്ച അടിപൊളി ആക്ഷന്‍ സിനിമ പുതിയ ഉയരങ്ങളില്‍.
ടിനു പാപ്പച്ചന്‍-ആന്റണി വര്‍ഗ്ഗീസ് കൂട്ടുകെട്ടിലുള്ള 'അജഗജാന്തരം' റിലീസിന് മുമ്പ് തന്നെ പുറത്തിറങ്ങിയ പാട്ടുകള്‍ ഓരോന്നും ഹിറ്റ് ലിസ്റ്റില്‍ ഇടം നേടിയിരുന്നു. പൂരപ്പാട്ടായ 'ഒള്ളുള്ളേരു' എന്ന ഗാനത്തിന് 100 മില്യണ്‍ കാഴ്ച്ചക്കാര്‍ പിന്നിട്ടിരിക്കുന്നു.'ഒള്ളുള്ളേരു' എന്ന നാടന്‍ പാട്ടിനെ ട്രാന്‍സ് താളത്തിനൊപ്പം ചേര്‍ത്തത് ആഘോഷ പാട്ട് ഉണ്ടാക്കിയത് സംഗീത സംവിധായകനായ ജസ്റ്റിന്‍ വര്‍ഗീസാണ്.
ജാഫര്‍ ഇടുക്കി, രാജേഷ് ശര്‍മ, സാബു മോന്‍, ടിറ്റോ വില്‍സണ്‍, സുധി കോപ്പ, വിനീത് വിശ്വം, സിനോജ് എന്നിവരാണ് മറ്റു പ്രധാന വേഷങ്ങളിലെത്തുന്നത്.ജിന്റോ ജോര്‍ജ് ഛായാഗ്രഹണവും ഷമീര്‍ മുഹമ്മദ് എഡിറ്റിങ്ങും നിര്‍വഹിക്കുന്നു. ജേക്ക്‌സ് ബിജോയ്, ജസ്റ്റിന്‍ വര്‍ഗീസ് എന്നിവര്‍ ചേര്‍ന്നാണ് ചിത്രത്തിനായി സംഗീതം ഒരുക്കുന്നത്.
