കോളടിച്ചു ! അണ്ടര് 19 വനിതാ ലോകകപ്പ് നേടിയ ഇന്ത്യന് ടീമിന് അഞ്ച് കോടി പാരിതോഷികം
അണ്ടര് 19 ലോകകപ്പ് നേടിയ ഇന്ത്യന് വനിതാ ടീമിന് അഞ്ച് കോടി രൂപ പാരിതോഷികം പ്രഖ്യാപിച്ച് ബിസിസിഐ. സെക്രട്ടറി ജയ് ഷായാണ് ട്വിറ്ററിലൂടെ ഇക്കാര്യം അറിയിച്ചത്. ടീം അംഗങ്ങള്ക്കും സപ്പോര്ട്ടിങ് സ്റ്റാഫിനുമായി അഞ്ച് കോടി രൂപ പാരിതോഷികം നല്കുമെന്ന് ജയ് ഷാ അറിയിച്ചു. ടീമിനെ ഷാ അഹമ്മദാബാദ് നരേന്ദ്ര മോദി സ്റ്റേഡിയത്തിലേക്കു ക്ഷണിച്ചു. ഇവിടെയാണ് വിജയാഘോഷങ്ങള് നടക്കുക. ദക്ഷിണാഫ്രിക്കയില് നടന്ന അണ്ടര് 19 ടൂര്ണമെന്റിന്റെ ഫൈനലില് ഇംഗ്ലണ്ടിനെ തോല്പ്പിച്ചാണ് ഷഫാലി വര്മ്മയുടെ നേതൃത്വത്തിലുള്ള ഇന്ത്യന് ടീം കിരീടം ചൂടിയത്.
