വിനീത് ശ്രീനിവാസന്റെ 'മനോഹരം' എന്ന ചിത്രത്തിലൂടെ അരങ്ങേറ്റം കുറിച്ച നടിയാണ് അപർണ ദാസ്. അടുത്തതായി സണ്ണി വെയിൻ നായകനായെത്തുന്ന ചിത്രത്തിൽ നായികയാകാൻ ഒരുങ്ങുകയാണ് നടി. ആർ എസ് വിമൽ സംവിധാനം ചെയ്യുന്ന സിനിമയിൽ ബൈക്ക് ഓടിക്കുന്ന ഒരു കഥാപാത്രത്തെയാണ് താരം അവതരിപ്പിക്കുന്നത്. ഷൂട്ടിംഗ് ഡിസംബർ രണ്ടിന് തുടങ്ങും.

റൊമാൻറിക് കോമഡി വിഭാഗത്തിൽ പെടുന്ന ചിത്രം കൂടിയാണിത്. അതേസമയം പ്രദീപ് ചന്ദ്രസേനൻ സംവിധാനം ചെയ്യുന്ന മറ്റൊരു ത്രില്ലർ ചിത്രത്തിലും നടി അഭിനയിക്കുന്നുണ്ട്. ഇതിൻറെ ഷൂട്ടിംഗ് ജനുവരിയോടെ ആരംഭിക്കും.

സണ്ണി വെയ്ൻ ആദ്യമായി നിർമിക്കുന്ന 'പടവെട്ട്' എന്ന ചിത്രത്തിലെ തിരക്കിലാണ്. നിവിൻ പോളിയും മഞ്ജുവാര്യരുമാണ് ഈ ചിത്രത്തിൽ പ്രധാന വേഷങ്ങളിൽ എത്തുന്നത്.