കെ ആര്‍ അനൂപ്|
Last Modified തിങ്കള്‍, 29 നവം‌ബര്‍ 2021 (12:58 IST)
സേതുരാമയ്യര്‍ ആകാന്‍ മമ്മൂട്ടി. സിബിഐ 5 എന്ന് താല്‍ക്കാലികമായി അറിയപ്പെടുന്ന സിനിമയുടെ ഷൂട്ടിംഗ് പൂജ ചടങ്ങുകളോടെ ആരംഭിച്ചു.
കെ മധു സംവിധാനം ചെയ്യുന്ന സിനിമയുടെ ടൈറ്റില്‍ ഉടന്‍ പ്രഖ്യാപിക്കും.ഡിസംബര്‍ 10നു ശേഷം മാത്രമാകും മെഗാസ്റ്റാര്‍ സെറ്റില്‍ എത്തുക.
ഒറ്റ ഷെഡ്യൂളില്‍ ചിത്രീകരണം പൂര്‍ത്തിയാക്കുമെന്നാണ് അറിയാന്‍ കഴിയുന്നത്.പഴനിയില്‍ 'നന്‍പകല്‍ നേരത്തു മയക്കം' എന്ന ചിത്രത്തിന്റെ ഷൂട്ടിംഗ് തിരക്കിലായതിനാല്‍ മമ്മൂട്ടി പൂജ ചടങ്ങുകളില്‍ പങ്കെടുത്തില്ല.
14 വര്‍ഷത്തെ ഇടവേളയ്ക്ക് ശേഷം സ്വര്‍ഗചിത്ര അപ്പച്ചന്‍ സിനിമ നിര്‍മ്മാണ മേഖലയിലേക്ക് വീണ്ടും തിരിച്ചെത്തുകയാണ്.എസ് എന്‍ സ്വാമിയുടെ തിരക്കഥ ഒരുക്കുന്നു.
സൗബിന്‍ ഷാഹിര്‍, ആശാ ശരത്, സായ്കുമാര്‍, രണ്‍ജി പണിക്കര്‍ തുടങ്ങിയവര്‍ പ്രധാന വേഷങ്ങളിലെത്തുന്നു.
