32 വർഷങ്ങൾക്ക് ശേഷം ജയകൃഷ്‌ണനും ക്ലാരയും രാധയും ഒരുമിച്ചു

അഭിറാം മനോഹർ| Last Updated: ചൊവ്വ, 26 നവം‌ബര്‍ 2019 (12:31 IST)
ഒരു മലയാളി സിനിമാപ്രേമിക്ക് ഒരിക്കലും മറക്കാനാവാത്ത ചിത്രമാണ് 1987ൽ പത്മരാജൻ സംവിധാനം ചെയ്ത് മോഹൻലാൽ,സുമലത,പാർവതി എന്നിവർ ചേർന്നഭിനയിച്ച എന്ന ചിത്രം. മോഹൻലാലിന്റെ മണ്ണാറത്തൊടിയിൽ
ജയകൃഷ്‌ണനേയും സുമലതയുടെ ക്ലാരയേയും പാർവതിയുടെ രാധയേയും മലയാളി ജീവനുള്ള വരെ എങ്ങനെ മറക്കുവാനാണ്.

മൂന്ന് കഥാപാത്രങ്ങളും അത്രയും പ്രേക്ഷകരുടെ മനസിൽ നിൽക്കുമ്പോഴും സിനിമയിൽ ഇവർ മൂന്ന്പേരും ഒന്നിച്ച് ഒരു രംഗം പോലുമില്ല. എന്നാൽ മലയാളിയുടെ ഏറ്റവും പ്രിയപ്പെട്ടവരായ ഇവർ കഴിഞ്ഞ ദിവസം തെലുഗു സൂപ്പർതാരം ചിരഞ്ജീവിയുടെ വീട്ടിൽ ഒത്തുകൂടിയപ്പോളുള്ള ചിത്രങ്ങളാണ് മലയാളികളുടെ മനസ്സ് നിറച്ച് ഇപ്പോൾ പുറത്തുവന്നിരിക്കുന്നത്.

എൺപതുകളിൽ സിനിമയിൽ എത്തിയ താരങ്ങൾ എല്ലാ വർഷവും ഒത്തുകൂടാറുണ്ട്. ഇത്തവണ ചിരഞ്ജീവിയുടെ വീട്ടിലായിരുന്നു താരങ്ങളുടെ ഒത്തുചേരൽ. അവിടെ വെച്ചാണ് 32 വർഷങ്ങൾക്ക് ശേഷമുള്ള ജയകൃഷ്‌ണന്റെയും ക്ലാരയുടെയും
രാധയുടെയും ഓർമകൾ പുതുക്കി താരങ്ങളുടെ അപൂർവ സംഗമവും നടന്നത്.

മോഹൻലാൽ,ജയറാം,ശോഭന,സരിത,നദിയാ മൊയ്തു,അമല,മേനക,ചിരഞ്ജീവി, ഭാഗ്യരാജ്, ശരത്കുമാര്‍, ജാക്കി ഷ്റോഫ് നാഗാര്‍ജ്ജുന, പ്രഭു എന്നിവരുൾപ്പെടെ നിരവധി താരങ്ങൾ സംഗമത്തിൽ പങ്കെടുത്തിരുന്നു.
താരസംഗമത്തിന്റെ പത്താം വാർഷികമായ ഇത്തവണ ബ്ലാക്കും ഗോൾഡണും അടങ്ങിയ വസ്ത്രങ്ങൾ ധരിച്ചാണ് താരങ്ങൾ ചടങ്ങിനെത്തിയത്.



ഇതിനെക്കുറിച്ച് കൂടുതല്‍ വായിക്കുക :