വോട്ടെണ്ണല്‍ തുടങ്ങുന്നതിന് മുമ്പുവരെ എല്ലാവര്‍ക്കും പ്രിയപ്പെട്ടതാണ് തെരഞ്ഞെടുപ്പ് സംബന്ധിച്ച ജ്യോതിഷ പ്രവചനങ്ങള്‍. ചില പ്രവചനങ്ങള്‍ ശരിയാവുകയും ചിലത് തെറ്റാവുകയും ചെയ്യുന്നു. തെറ്റാന്‍ സാധ്യതയുണ്ട് എന്നറിഞ്ഞുകൊണ്ടുതന്നെയാണ് എല്ലാവരും പ്രവചനങ്ങള്‍ക്ക് കാതോര്‍ക്കുക.

ഇത്തവണത്തെ ലോക്സഭാ തെരഞ്ഞെടുപ്പ് കാലത്തും ജ്യോതിഷ പ്രവചനങ്ങള്‍ അനേകമുണ്ടായി. ആരാണ് അടുത്ത പ്രധാനമന്ത്രിയാവുക എന്നതായിരുന്നു പല പ്രവചനങ്ങളുടെയും അടിസ്ഥാനം. മിക്ക പ്രവചനങ്ങളിലും നരേന്ദ്രമോദി തന്നെ പ്രധാനമന്ത്രിയായി തുടരുമെന്നതിനായിരുന്നു മുന്‍‌തൂക്കം. ചിലര്‍ പ്രവചിച്ചു, ഇത്തവണ രാഹുല്‍ ഗാന്ധിയുടേതാണ് ഊഴം!

പണ്ഡിറ്റ് ലോകേശാനന്ദ് എന്ന പ്രമുഖ ജ്യോതിഷന്‍റെ പ്രവചനത്തേക്കുറിച്ച് പറയാം. അദ്ദേഹത്തിന്‍റെ നിഗമനം അനുസരിച്ച്, നരേന്ദ്രമോദി തന്നെ വീണ്ടും ഇന്ത്യ ഭരിക്കും. മേയ് 23 എന്നത് ഒരു ശുഭദിനമാണെന്നും അത് നരേന്ദ്രമോദിക്ക് ഏറെ അനുകൂലമായ ദിവസമാണെന്നും പ്രവചനത്തില്‍ പറയുന്നു.

നരേന്ദ്രമോദിയുടെ ജന്‍‌മദിനം 17.05.1950 ആണ്. ഇതനുസരിച്ച് അദ്ദേഹത്തിന്‍റെ ഭാഗ്യസംഖ്യ അഞ്ച് ആണ്. 23ലെ 2ഉം 3ഉം കൂട്ടിയാല്‍ കിട്ടുന്നത് 5 തന്നെ. അതുകൊണ്ട് വോട്ടെണ്ണല്‍ ദിനത്തിലെ ഫലം മോദിക്ക് അനുകൂലമാകുമെന്നാണ് പ്രവചനം പറയുന്നത്.

വോട്ടെണ്ണല്‍ മേയ് 24ന് ആണ് നടക്കുന്നതെങ്കില്‍ അത് രാഹുല്‍ ഗാന്ധിക്ക് അനുകൂലമായി ഭവിക്കുമായിരുന്നു എന്നും പ്രവചനത്തില്‍ പറയുന്നു.