കേരളത്തിലെ ഒരു സൂ‍പ്പര്‍താരത്തിന്‍റെ അത്രയും സ്നേഹം നമ്മള്‍ തമിഴകത്തിന്‍റെ ഇളയദളപതിക്കും നല്‍കാറുണ്ട്. അത് നമ്മുടെ സ്വഭാവത്തിന്‍റെ ഭാഗമായിപ്പോയി. മമ്മൂട്ടിയുടെയോ മോഹന്‍ലാലിന്‍റെയോ ചിത്രങ്ങള്‍ റിലീസ് ചെയ്യുന്നതുപോലെയുള്ള ആഘോഷങ്ങളാണ് ഒരു വിജയ് ചിത്രം കേരളത്തില്‍ റിലീസ് ചെയ്യുമ്പോഴും നടക്കുന്നത്. കേരളത്തിലെ വിജയ് ഫാന്‍സിന്‍റെ എണ്ണം ലക്ഷക്കണക്കിന് വരും.

വിജയുടെ ഓരോ സിനിമയ്ക്കും വേണ്ടി മലയാളികള്‍ കാത്തിരിക്കുന്നു. തമിഴ്നാട്ടില്‍ പടം ചിലപ്പോള്‍ ശരാശരിയാകാം. എന്നാല്‍ കേരളത്തില്‍ എല്ലാ വിജയ് ചിത്രങ്ങളും സൂപ്പര്‍ കളക്ഷന്‍ നേടുന്നു. വിജയുടെ പുതിയ ചിത്രമായ ‘തെറി’ക്കായാണ് മലയാളികള്‍ ഇപ്പോള്‍ കാത്തിരിക്കുന്നത്. അങ്ങനെ കാത്തിരിക്കുന്നവരില്‍ ഒരു മലയാളം സെലിബ്രിറ്റിയും ഉള്‍പ്പെടുന്നു എന്നതാണ് കൌതുകവാര്‍ത്ത. സാക്ഷാല്‍ നിവിന്‍ പോളിയാണ് ‘തെറി’ക്കായി അക്ഷമയോടെ കാത്തിരിക്കുന്നത്.

തന്‍റെ ഫേസ്ബുക്ക് കുറിപ്പിലാണ് നിവിന്‍ പോളി ഇക്കാര്യം വെളിപ്പെടുത്തുന്നത്. കഴിഞ്ഞ ദിവസം നിവിന്‍ ചെന്നൈയില്‍ വിജയുടെ ഓഫീസിലെത്തി അദ്ദേഹത്തെ കണ്ടിരുന്നു. ‘പ്രേമം’ കണ്ട് വിജയ് നിവിനെ തന്‍റെ ഓഫീസിലേക്ക് ക്ഷണിക്കുകയായിരുന്നു. വിജയുമൊത്തുള്ള അനുഭവങ്ങള്‍ ഒരിക്കലും മറക്കാനാവാത്തതാണെന്ന് നിവിന്‍ കുറിച്ചു. ഒപ്പം ‘തെറി’യുടെ റിലീസിനായി കാത്തിരിക്കുകയാണെന്നും!

ഇതാണ് നിവിന്‍ പോളിയുടെ ഫേസ്ബുക്ക് പോസ്റ്റിന്‍റെ പൂര്‍ണരൂപം:

It totally took me by surprise when I got an invite from Vijay Sir to his office. He had loved 'Premam' and sincerely appreciated the efforts behind. Such a simple and down to earth person with no aura of stardom around him. We had a quality time discussing about cinema and his love for Kerala. A memorable day !!

Appreciations from people of his stature are priceless and that always gives us an extra push and encouragement to do more good movies. His honest behaviour and simple life were all a treat to watch. Thank You Sir.

And Sir, we all are eagerly waiting for Theri...!!