ഇന്ത്യന്‍ സിനിമാലോകത്ത് കാലങ്ങളായി ഉയര്‍ന്നുകേള്‍ക്കുന്ന ഒരു സംശയവും അതിനെച്ചൊല്ലിയുള്ള തര്‍ക്കവുമുണ്ട്. എസ് എസ് രാജമൌലിയാണോ ഷങ്കറാണോ നമ്പര്‍ വണ്‍ സംവിധായകന്‍? രണ്ടുപക്ഷങ്ങളായി ചേര്‍ന്ന് ആരാധകര്‍ ഈ വിഷയത്തില്‍ തല്ലുകൂടുന്നത് സോഷ്യല്‍ മീഡിയയിലെ പതിവുകാഴ്ച.

എന്നാല്‍ ഇപ്പോള്‍ ഷങ്കര്‍ തന്നെ സമ്മതിച്ചിരിക്കുന്നു, രാജമൌലി തന്നെയാണ് കിംഗ്. ബാഹുബലി 2 കണ്ടതിന് ശേഷമുള്ള ഷങ്കറിന്‍റെ ട്വീറ്റിലാണ് ഈ രീതിയിലുള്ള പ്രതികരണം.

Just saw Bahubali 2 - The pride of Indian Cinema. What a Bravery, Beauty, Grandness & Music.. Awestruck. Hats off to 'Raja'mouli artsts n team.... എന്നാണ് ഷങ്കര്‍ ട്വീറ്റ് ചെയ്തിരിക്കുന്നത്. ഷങ്കറിനെ ഗുരുസ്ഥാനത്ത് കണ്ടിരിക്കുന്ന രാജമൌലിയെ സംബന്ധിച്ചിടത്തോളം ഈ പ്രതികരണം ഏറ്റവും വലിയ നിധിയാണെന്നതില്‍ സംശയമില്ല.

ബാഹുബലി2നേക്കാള്‍ മുതല്‍ മുടക്കില്‍ ഇപ്പോള്‍ എന്തിരന്‍ 2.0 സംവിധാനം ചെയ്തുകൊണ്ടിരിക്കുകയാണ് ഷങ്കര്‍. അതുകൂടി ഇറങ്ങിയിട്ടേ ആരാണ് നമ്പര്‍ വണ്‍ എന്ന തര്‍ക്കത്തിന് ആരാധകര്‍ക്ക് പൂര്‍ണമായ ഉത്തരം ലഭിക്കൂ.