ഹൂസ്റ്റണ്|
WEBDUNIA|
Last Modified തിങ്കള്‍, 14 ഏപ്രില്‍ 2014 (09:53 IST)
PRO
PRO
ഇന്ത്യയുടെ ടോപ്‌ വനിതാ താരം ദീപിക പള്ളിക്കലിന് അട്ടിമറി വിജയം. ഈ വിജയത്തോടെ
ടെക്‌സാസ്‌ ഓപ്പണ്‍ സ്ക്വാഷ് ടൂര്‍ണമെന്റിന്റെ ഫൈനല്‍ ബര്‍ത്ത് ഉറപ്പിച്ചു. അയര്‍ലന്‍ഡിന്റെ മാദെലിന്‍ പെറിയെയാണ് ദീപിക ശക്തമായ പോരാട്ടത്തിനെടുവില്‍ കീഴടക്കിയത്.
75 മിനിട്ട്‌ നീണ്ട കടുത്ത പോരാട്ടമാണ് ദീപിക മാദെലിന്‍ പെറിയെയ്ക്കു മുന്നില്‍ കാഴ്ചവെച്ചത്. സ്‌കോര്‍: 11-7, 11-13, 13-11, 10-12, 11-4. 75. പെറിക്കെതിരെ നടന്ന മൂന്നു ഗെയിമുകള്‍ ടൈ ബ്രേക്കറിലാണ്‌ കലാശിച്ചത്. സീസണില്‍ ആദ്യമായാണു ദീപിക ഒരു ടൂര്‍ണമെന്റിന്റെ ഫൈനലില്‍ കടക്കുന്നത്. ഈജിപ്‌ത്തിന്റെ നൂര്‍ അല്‍ ഷെര്‍ബിനിയെയാണ് ഫൈനലില്‍ ദീപികയുടെ എതിരാളി.
നൂര്‍ അല്‍ ഷെര്‍ബിനി അട്ടിമറി വിജയത്തോടെയാണ് ഫൈനലില്‍ കടന്നത്‌. ഫ്രാന്‍സിന്റെ ലോക ആറാം നമ്പര്‍ കാമിലി സെര്‍മിയെയാണ് നൂര്‍ അല്‍ ഷെര്‍ബിനി തോല്‍പ്പിച്ചത്. ഇതിനു മുമ്പും അട്ടിമറി വിജയം കരസ്ഥമാക്കിയാളാണ് നൂര്‍ അല്‍ ഷെര്‍ബിനി. മുമ്പ് മൂന്നു തവണ ദീപികയും നൂര്‍ അല്‍ ഷെര്‍ബിനിയും ഏറ്റുമുട്ടി. മൂന്നുവട്ടവും ജയം ഈജിപ്‌ത്തുകാരിക്കൊപ്പമായിരുന്നു.
