പ്രണയം തുറന്ന് പറയുക

PRO

പിന്നീട് അരവിന്ദന്‍ വിളിക്കുമ്പോഴെല്ലാം രാധിക ഫോണ്‍ അനിതയ്‌ക്ക് കൈമാറും. വീട്ടിലെയും നാട്ടിലെയും കാര്യങ്ങളെല്ലാം അരവിന്ദനോട് അനിത പറയും. അരവിന്ദന് യഥാര്‍ത്ഥത്തില്‍ അനിത സംസാരിക്കുമ്പോള്‍ മുഷിവ് അനുഭവപ്പെടും. പ്രണയം വെളിപ്പെടുത്തുക എന്ന ഉദ്ദേശത്തില്‍ വൈകിട്ട് വിളിക്കാം എന്ന് ഒരിക്കല്‍ പകല്‍ വിളിച്ചു പറഞ്ഞ അരവിന്ദന്‍ അന്ന് വൈകിട്ടു വിളിക്കുമ്പോഴും ഫോണെടുത്തത് അനിതയായിരുന്നു.

തന്നോടെന്തെങ്കിലും പറയാനുണ്ടോ എന്ന അനിത ചോദിച്ചപ്പോള്‍ അരവിന്ദന്‍ മടിച്ച് മടിച്ച് കാര്യം പറഞ്ഞു. താന്‍ രാധികയെ സ്നേഹിക്കുന്നു എന്ന്. മറുപുറത്ത് പെട്ടെന്ന് സന്തോഷം നിലച്ചതായി അരവിന്ദനു തോന്നി. ഫോണ്‍ വയ്‌ക്കുന്ന ശബ്ദവും. അരവിന്ദന്‍ വീണ്ടും വിളിച്ചപ്പോള്‍ ഇനി വിളിക്കരുതെന്ന കര്‍ശനമായ ശാസന അനിത നല്‍കി.

അരവിന്ദന്‍ ആകെ തകര്‍ന്നു. അടുത്ത ദിവസം ശക്തി സംഭരിച്ച് രാധികയെ വിളിച്ചെങ്കിലും അരവിന്ദനോട് സംസാരിക്കാന്‍ ഇഷ്ടപ്പെടാതെ രാധിക കൂട്ടുകാരിക്ക് ഫോണ്‍ കൈമാറിയതേയുള്ളൂ. സ്വന്തം നമ്പര്‍ കാണുമ്പോള്‍ ഫോണ്‍ എടുക്കില്ല എന്നു മനസ്സിലാക്കിയ അരവിന്ദന്‍ മറ്റൊരു ഫോണില്‍ നിന്നും രാധികയെ വിളിച്ചു. എന്നാല്‍ അരവിന്ദനെ തകര്‍ക്കുന്ന വിധത്തിലായിരുന്നു രാധികയുടെ മറുപടി. ഒടുവില്‍ എല്ലാവരും പരസ്പരം പിണങ്ങുന്നതില്‍ കാര്യം അവസാനിച്ചു.

സത്യത്തില്‍ അരവിന്ദനും അനിതയ്‌ക്കും രാധികയ്‌ക്കും ഇടയില്‍ സംഭവിച്ചതെന്താണ്? ആരും ആരുടെയും പ്രണയം വെളിപ്പെടുത്തിയില്ല എന്നതു തന്നെ. അനിത ഒപ്പം പഠിച്ചിരുന്ന കാലത്ത് തന്നെ അരവിന്ദനെ പ്രണയിച്ചിരുന്നു. എന്നാല്‍ അവള്‍ അതൊരിക്കലും പറഞ്ഞില്ല. അതുകൊണ്ട് തന്നെ അരവിന്ദന്‍ തിരിച്ചറിഞ്ഞില്ല.

WEBDUNIA|

പരിചയപ്പെട്ടതു മുതല്‍ അരവിന്ദനെ പ്രണയിച്ച രാധികയാകട്ടെ സുഹൃത്തിനും പ്രണയം അരവിന്ദനോടാണെന്ന് അറിഞ്ഞതോടെ വെളിപ്പെടുത്താനിരുന്ന പ്രണയം വിട്ടുകളഞ്ഞു. അരവിന്ദനാകട്ടെ നല്ലവളും ആദ്യകാലം മുതല്‍ തന്നെ പ്രണയിച്ചിരുന്നവളുമായ അനിതയുടെ മനസ്സ് ഒരിക്കലും കാണാനുമായില്ല.അരവിന്ദന്‍ നിങ്ങളില്‍ ഒരാളാണ്. അരവിന്ദന് സംഭവിച്ചത് നിങ്ങള്‍ക്ക് സംഭവിക്കരുത്. പ്രണയം പറയേണ്ടപ്പോള്‍ തന്നെ പറയുക.

അനുബന്ധ വാര്‍ത്തകള്‍

ഇതിനെക്കുറിച്ച് കൂടുതല്‍ വായിക്കുക :

സ്നേഹം പ്രണയം തുറന്ന് പറയുക പ്രണയം അരവിന്ദന്‍ മഞ്ജു സിന്ധു മന:ശ്ശാസ്ത്ര വിദഗ്ദര്‍ ഭ്രാന്തമായ പ്രണയം ബി എസ് സിയ്‌ക്ക് ബോളീവുഡ്