പരിയാരം മെഡിക്കല് കോളജ് സര്ക്കാരിന് ഏറ്റെടുക്കാം: എം വി ജയരാജന്
കണ്ണൂര്|
WEBDUNIA|
Last Updated:
ബുധന്, 23 ഏപ്രില് 2014 (13:35 IST)
PRO
PRO
സര്ക്കാരിന് പരിയാരം മെഡിക്കല് കോളജ് ഏറ്റെടുക്കാമെന്ന് മെഡിക്കല് കോളജ് ഭരണസമിതി ചെയര്മാനും സിപിഎം നേതാവുമായ എം വി ജയരാജന്. എന്നാല് സര്ക്കാര് ഏറ്റെടുക്കുന്നതിന് പകരം നേരെത്തെ ഉണ്ടായിരുന്ന അഴിമതിക്കാര്ക്ക് മെഡിക്കല് കോളജ് ഭരണം നല്കിയാല് എതിര്ക്കുമെന്നും അദ്ദേഹം പറഞ്ഞു.
കോഴിക്കോട് മെഡിക്കല് കോളജ് പോലെ തന്നെ സര്ക്കാരിന്റെ ചിലവിലായിരിക്കണം പരിയാരം മെഡിക്കല് കോളജ് നടത്തിപ്പ് വേണ്ടത്. ഗ്രാന്റ് നല്കണമെന്നും ജീവനക്കാരെ സ്ഥിരപ്പെടുത്തണമെന്നുമുള്ള ഉപാധികളോടെ വേണം മെഡിക്കല് കോളജ് ഏറ്റെടുക്കേണ്ടതെന്നും അദ്ദേഹം കൂട്ടിച്ചേര്ത്തു.
മെഡിക്കല് കോളജ് സര്ക്കാര് ഏറ്റെടുത്ത നടപടി 2001ല് കോണ്ഗ്രസ് റദ്ദാക്കിയതാണ്. എന്നാല് അതേ കോണ്ഗ്രസ്, മെഡിക്കല് കോളജ് ഇപ്പോള് സര്ക്കാര് ഏറ്റെടുക്കണമെന്ന് പറയുന്നതിലെ ഉദ്ദേശ്യശുദ്ധി ചോദ്യം ചെയ്യപ്പെട്ടേണ്ടതാണെന്നും എം വി ജയരാജന് പറഞ്ഞു.