തൃശൂരിലെ പെട്രോൾ പമ്പിൽ യുവാവിനെ ചുട്ടുകൊല്ലാൻ ശ്രമം; പമ്പിൽ നിന്നും വാങ്ങിയ പെട്രോൾ യുവാവിന്റെ ദേഹത്തൊഴിച്ച് തീ കൊളുത്തി

Sumeesh| Last Updated: ശനി, 19 മെയ് 2018 (20:55 IST)
തൃശൂരിലെ കൊടകരക്കടുത്ത് ശ്രീദുർഗ പെട്രോൾ പമ്പിലാണ് ഞെട്ടിക്കുന്ന സംഭവം അരങ്ങേറിയത്.പെട്രോൾ അടിച്ച ശേഷം ബൈക്ക് മാറ്റാൻ വൈകിയതിലുള്ള തർക്കമാണ് പിന്നീട് വധശ്രമത്തിൽ കലാശിച്ചത്. 25ശതമാനം പൊള്ളലേറ്റ ദിലീപ് എന്ന യുവാവ് ഇപ്പോൾ മെഡിക്കൽ കോളേജിൽ ചികിത്സയിലാണ്.

പെട്രോൾ അടിച്ചതിന് ശേഷം രണ്ടായിരം രൂപ നൽകിയ ദിലീപിന് ബാക്കിയായി ലഭിച്ചത് പത്ത് രൂപാ നോട്ടുകളായിരുന്നു. ഇത് എണ്ണിത്തിട്ടപ്പെടുത്താൻ സമയമെടുത്തതിനെ തുടർന്നാണ് പുറകിൽ ക്യൂവിലുണ്ടായിരുന്ന വട്ടപ്പറമ്പിൽ വിനീത് എന്നയാളുമായി തർക്കമുണ്ടാവുന്നത്. തുടർന്ന് വിനീത് കുപ്പിയിൽ വാങ്ങിയ പെട്രോൾ ദിലീപിന്റെ ദേഹത്തോഴിച്ച് ലൈറ്റർകൊണ്ട് തീകൊളുത്തുകയായിരുന്നു.

ദിലീപ് ഉടനെ തന്നെ അടുത്തുള്ള തോട്ടിലേക്ക് ഏടുത്ത് ചാടിയതാണ് ജീവൻ രക്ഷപ്പെടാൻ കാരണം. അക്രമണത്തിൽ ബൈക്ക് പൂർണ്ണമായും കത്തി നശിച്ചു. സമയോചിതമായ പമ്പ് ജീവനക്കാരുടെ ഇടപെടൽ മൂലമാണ് പമ്പിലേക്ക് തീ പടരാതെ വലിയ ദുരന്തം ഒഴിവായത്.



ഇതിനെക്കുറിച്ച് കൂടുതല്‍ വായിക്കുക :